Tanba ida ne'e mak Primeiru Ministru husu ba populasaun iha Timor laran tomak atu kaer metin nafatin prinsipiu gerileiru sira iha Ailaran nian.
"Ne'e hatudu saida?, Tanba ita iha fe rejista, la para to'o manán, entaun espiritu ida ne'e mak ita tenke iha e ha'u hakarak rekoñese katak buat ne'ebé mak ita iha ita kaer nafatin prinsipiu sira ne'e”, dehan PM Taur iha Liksá, kuarta (12/01).
Tanba iha tempu luta Indonézia lansa liafuan rua, nia palavra de orden rua, ida hatete, matabisu iha Batugade meudia iha Baukau, Jantar iha Lospalos, 24 anos to'o nia fila de'it no ida seluk Timor kuandu ukun kuandu manu nia nehan moris ka Lekirauk hatais sapatu, maibé lekirauk seidauk hatais sapatu, manu nia nehan seidauk moris, Timór ukun-an ona.
Dadaun ne'e atuál Primeiru Ministru ema Gerilleiru ne'ebé lidera hela Governu Konstitusionáln Daualu, nia mós rekoñese Governu hasoru de'it dezafiu barak durante.
"Se ita-boot sira haree, se tempu Governasaun ida ne'e ita iha dezafiu lubuk ida mak ita enfrenta, balun ita hakat liu, balun sei la'o nafatin ho ita, balun sei tuir mai, só bele manán karik ita la para la deziste, ita ba, ita sei la'o, entaun ha'u iha oportunidade ida ne'e ha'u hakarak troka hanoin balun ho ita-boot sira”, afirma nia. (*)
