Login to your account

Username *
Password *
Remember Me

Alkatiri ‘Duun’ Xanana Lidera Governu ho Manipulasaun  

Sekrétaria Jerál Partidu Fretilin, Mari Alkatiri, ko'alia hela ho militante sira iha Sentru Konvensaun Baukau, sabadu (05/12). Sekrétaria Jerál Partidu Fretilin, Mari Alkatiri, ko'alia hela ho militante sira iha Sentru Konvensaun Baukau, sabadu (05/12). Foto Tempo Timor

Tempotimor (Baukau)-Sekrétaria Jerál Partidu Fretilin, Mari Alkatiri, duun Prezidente Partidu CNRT, Kay Rala Xanana Gusmão ne’ebé lidera Governu, tanba manipulasaun ne’ebé mosu iha eleisaun.

"Uluk Xanana halo nia Governu ne'e, nia la manán iha eleisaun, Xanana nunka manán, manán boso-bosok mak manán dala ida ne'e, manipula ba, manipula mai mak manán dala ida, kuandu nia manán ne'e, prezidente Lú OLo ami rua tu'ur hamutuk iha uma ha'u telefone ba Xanana dehan, maun Tomas Cabral nia komputadór fó vitória ba o”, deklara Alkatiri iha Baukau, domingu (05/12).

Tanba iha eleisaun presidensiál tinan hirak liuba partidu Fretilin lakon fatin ida mak iha Oekussi, tanba antes loron-3 Prezidente Partidu CNRT, Kay Rala Xanana Gusmão, ba toba uluk iha Oekussi antes Partidu Fretilin to'o, tanba dala ruma Xanana hanoin bainhira Fretilin lakon iha Oekussi Mari Alkatiri ho Lú Olo sei hirus malu.

Tanba ne'e husu estrutura iha baze lalika hanoin atu apoiu kandidatu sira ba eleisaun prezidensiál tantu eleisaun parlamentar bainhira lideransa partidu seidauk deside.

"Nia manán ne'e, prezidente Lú Olo ami rua tu'ur hamutuk iha uma ha'u telefone ba Xanana dehan, maun Tomas Cabral nia kompradór fó vitória ba O”, haktuir nia.

Bainhira lidéra Partidu Fretilin tenke iha dignidade, tohar bele tohar, maibé lalika hakruk ba ema seluk nomós Xanana.

Tanba iha eleisaun prezidensiál nian Xanana apoiu atuál Prezidente Repúblika m, Francisco Guterres ‘Lú Olo’ hodi fó vitória, maibé halo kampaña dala-2 de'it mak iha Munisípiu Ermera no Dili.

"Iha Ermera nia ko'alia lahun, la dikin iha Dili, restu ne'e ami mak halo kampaña”, hatete Alkatiri.

Tanba Xanana apoiu atuál Prezidente Repúblika, Francisco Guterres ‘Lú Olo, atu hamate partidu Fretilin, tanba Fretilin kontinua ho nia kompromisiu atu lori povu ba di'ak.

Iha VIII Govérnu konstituisionál rasik mós la'ós partidu Fretilin mak ba buka atu halibur, maibé Xanana rasik mak ba buka Partidu PLP no Khunto.

Dadaun ne'e mós kandidatu balun komesa lori kabas ba seluk atu tula liman husi ema seluk ba eleisaun presidensiál tinan 2022 to'o 2027, maibé úniku partidu Fretilin nia kandidatu mak seidauk ko'alia sai atu buka tula liman husi ema seluk ba eleisaun prezidensiál. (*)

Rate this item
(2 votes)
Last modified on Monday, 06 December 2021 04:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter