"Ita sei falla boot ida mak ita-nia Edifísiu barak mak seidauk hari’i ba ema ho difisiénsia sira, ida ne'e iha sei falla”, dehan José Ramos bainhira sai Oradór ba komemora loron proklamasaun, Independénsia RDTL ba dala 46 iha Kampus Siénsia Sosiais, Kaikoli, kinta (25/11).
Nune'e mós Estudante husi Departamentu Dezenvolvimentu Komunitáriu (DC), Gaspar Afonsu, husu Governu tenke tau matan ba Ema ho Difisiénsia (EhD) iha nasaun Timor-Leste.
"Governu Timor-Leste presiza tau ema hothotu hanesan, tane ema hotu hanesan, labele husik ema ida iha kotuk, tanba ida ne'e mak presiza haree”, dehan nia.
Maibé dadaun ne'e iha organizasaun lubun ida mak tau ona importánsia hodi nune'e ema hothotu labele husik ema ida iha kotuk.
Alende ne'e Universidade Nasionál Timor-Lorosa'e (UNTL) nia departamentu dezenvolvimentu Komunitáriu (DC) mós tau importánsia ba Ema ho Difisiénsia atu asesu ba banku universidade. (*)