Taur 'Bandu' Membru Governu Husu Orsamentu Adisionál ba PN

Prezidente Komisaun B Negósiu Estranjeiru, Defeza no Seguransa, José  Agustinho Sequeira "Somotxo Matar Miniraka". Prezidente Komisaun B Negósiu Estranjeiru, Defeza no Seguransa, José Agustinho Sequeira "Somotxo Matar Miniraka". Foto Suplay

Tempotimor (Dili)-Primeiru Ministru (PM), Taur Matan Ruak, bandu membru Governu sira lohi Parlamentu Nasionál (PN) atu husu osan adisionál iha Proposta-lei Orsamentu Jerál Estadu (OJE) tinan fiskal 2022.

Ho desizaun ne'e, Prezidente Komisaun B Negósiu Estranjeiru, Defeza no Seguransa, José  Agustinho Sequeira "Somotxo Matar Miniraka" hatete, sira konkorda desizaun Governu nian kona-ba membru sira labele husu adisionál ba PN.

"Bom ida ne'e, kala la kontra desizaun Governu, tanba Governu deside dehan laiha adisionál no Membru Hovernu hothotu simu orientasaun para labele mai lohi deputadu sira para halo aumenta tán osan. Ida ne'e ha’u konkorda 100%, ha'u la kontra desizaun Governu nian”; dehan Somotxo iha PN, kinta (25/11).

Komisaun B trata asuntu defeza no seguransa laiha intensaun atu kontra desizaun ne’ebé Governu foti, maibé husu tenke tau atensaun ba asuntu prinsipal hanesan defeza, seguransa, no Protesaun Sivíl .

"Ami la kestiona tanba Governu haree katak orsamentu ba institusaun estadu tolu ne'e sufisiente atu kobre situasaun sira ne’ebé ita nunka hein”, hatete nia.

Tanba ko’alia kona-ba instituisaun defeza, seguransa no protesaun sivíl ne'e importante tebes liliu protesaun sivíl ne'ebé foin hari’i, se laiha kondisaun, ida ne'e sei fó impáktu ba servisu protesaun responde ba situasaun sira iha rai laran.

"Rai ne'e país tropikál, ne'ebe fulan-6 udan no fulan-6 bailoron. E Bailoron nia konsikuénsia mós iha no Udan ninia konsikuénsia mós iha, tan ida ne'e mak komisaun B preokupa atu kria kondisaun, hodi kapasita protesaun sivíl hodi responde ba situasaun udan ho bailoron”, afirma nia.

Aleinde liga ho previzaun sira ne'ebé protesaun sivíl fó sai hanesan lanina konforme metrolojia Austrália ho Indonézia nian deteta katak sei akontese lanina ne’ebé bele afeta.

"Se la'ós iha dezembru, entaun janeiru sira ne'e bele akontese hanesan dezatre 4 abril. Entaun situasaun ne'e ita prevee sira ne'e hotu mak komisaun B preokupa, para Governu labele kondenar, liliu protesaun sivíl ne’ebé operasionalmente iha oin, labele kondenadu, tenke kria kondisaun. Tanba ne'e ami halo tentativa atu buka osan iha tetu orsamental ne’ebé iha US$1.6”, dehan nia. (*)

Rate this item
(1 Vote)
Last modified on Thursday, 25 November 2021 17:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter