“Primeiru Ministru husu ba Konsellu Imprensa atu kontinua halo kooperasaun internasionál ho entidade sira seluk atu hamutuk kombate kona-ba dezinformasaun e Primeiru Ministru mós hato'o ninia preokupasaun liliu kona-ba dezinformasaun, la'ós iha rai laran de'it, dezinformasaun mós mai husi rai seluk ida ne'e primeiru Ministru hato'o nia preokupasaun”, dehan Prezidente Konsellu Imprensa (KI), Vergílio da Silva Guterres, iha Rezidénsia Ofisiál PM Faról, tersa (09/11).

Maibé konsellu Imprensa hamutuk embaixada Amérika halo fó formasaun kona-ba "fact chek" ba estudante sira iha universidade lima (5) hanesan iha Baukau, Manufahi, Ermera no universidade rua iha Dili atu nune'e labele fahe informasaun falsu ba públiku.

Konsellu Imprensa mós rekomenda ba Primeiru Ministru atu aselera debatekuadru legalba Lei Krime sibermétika ne'ebé seidauk realiza. 

"Buat ne'ebé mak ami husu primeiru Ministru ne'e Xefe Governu fó orientasaun ba Ministériu sira tutela ou membru Governu sira, iha aspetu ida ne'e ba MAPkomS e mós Ministériu Justisa atu dudu prosesu debate lei Kuadru legal kona-ba krime sibermétika ne'e bele la'o ida mak ami rekomenda”, informa nia.

Tanba lei Krime sibermétika ne'e atu regula krime ne'ebé akontese iha rai laran inklui husi rai li'ur mai iha Timor-Leste.

Konsellu Imprensa mós hato'o ona nia parese iha Parlamentu Nasionál oinsá atu aselera lalais lei Krime sibermétika ne'ebé mak sei pendente hela. (*)