"Oinsá Proposta Alterasaun Lei Sistema Saúde?. Ida ne'e foin prepara, bainrua kuarta (27/10), mak ami sei halo diskusaun ba ida ne'e”, dehan Prezidente Komisaun F Noe da Silva "Buka Tuir", ba www.tempotimor.com iha resintu Parlamentu Nasionál, segunda (25/10).

Proposta alterasaun dahuluk ba lei sistema saúde ne'e aprezenta husi Ministériu Saúde (MS), ne'ebé Parlamentu Nasionál, aprova ona iha faze jeneralidade ho rezultadu votasaun a-favór 37, kontra 2 no abstensaun 13.

Pozisaun Parlamentu Nasionál konsidera diskusaun lei sistema saúde ne'e importante tebes atu halo diskusaun oinsá mak bele halo aprovasaun.

Bainhira alterasaun lei ne'e vigora, sei fó posibilidade ba autoridade kompetente sira iha matéria vijilánsia epedemilíjiku no sanitáriu atu uza mekanizmu protesaun ba saúde públika atu evita no neutraliza riksu sira hodi labele da’et ba populasaun.

Maibé entre medida protesaun ba saúde públika ne’ebé inklui iha diploma ida ne’e, sei iha mós posibilidade atu ema sé de’it tenke halo ezame médiku no bainhira deskonfia moras ruma ne’ebé inklui mós iha lista ne’ebé prevé ona iha lei ka regulametu adminsitrativu, mak tenke lori ba internamentu ka tratamentu komplusivu ba fatin izolamentu no kuarentena. (*)