Login to your account

Username *
Password *
Remember Me

FP Na’in-8.706 Sei Kompete ba Vaga Promosaun Grau 878

Prezidente Parlamentu Nasionál (PN), Aniceto Longuinhos Guterres Lopes. Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)- Funsionáriu Públiku (FP) na'in- 8.706 sei kompete vaga promosaun grau hamutuk 878 husi Komisaun Funsaun Públika (KFP), hodi asesu ba saláriu boot iha tinan 2022.

Ho totál vaga promosaun ne'e, Prezidente Parlamentu Nasionál (PN), Aniceto Longuinhos Guterres, iha segunda (18/10), loke ona abretura iha edifísiu Ministériu Negósiu Estranjeiru no Kooperasaun (MNEK).

Hafoin hala'o abertura, Prezidente Parlamentu Nasionál (PN), Aniceto Longuinhos Guterres Lopes, hatete, nia fiar katak vaga promusaun ne’ebé KFP loke ba funsionáriu sira iha teritóriu tomak, sira sei kompete ho di'ak.

“Ha'u loke abertura ba serimónia ne’e ho teste ba funsionáriu sira ho meiu eletróniku, e fi'ar katak funsionáriu sira bele kompete ho di’ak”, dehan nia hafoin abertura ba promosaun grau funsionáriu públiku iha salaun MNEK.

Prezidente KFP, Faustino Cardoso esplika, vaga ba promosaun grau ne’e hamutuk 878, ne’ebé funsionáriu públiku hamutuk 8.706 mak sei kompete.

Vaga ba promosaun ne’e bazeia ba Dekretu-Lei númeru 1/2018, rejime promosaun ne'ebé hetan alterasaun ba Dekretu-Lei númeru 5/2019, 27 marsu.

Tanba ne'e, teste eletrónika ne'e kompetetivu tebes, ba funsionáriu públiku ne’ebé liu vaga ne’e sei hasa’e sira-nia saláriu iha fulan-janeiru 2022.

Husi totál FP na'in 8.706, ne'e mane-6492 no feto-2214,  no envolve mós funsionáriu Diplomata sira iha diáspora na’in-36 inklui mós husi nasaun 19.

Ho objetivu prisipál husi promosaun teste ne’e atu fó oportunidade ba funsionáriu públiku sira ne'ebé prénxe rekizitu bele tuir teste hodi hasa’e sira-nia graun hodi hatan ba prestasaun serbisu administrasaun públiku ho kualidade, profisionál, efikás no efesiénsia.

Enkuantu kalendariu ba prosesu teste ne'e, hahú iha loron 18 outubru to’o 03 dezembru 2021.

Teste refere sei kria liuhusi via online (eletróniku), funsionáriu iha diáspora. Enkuantu ba funsionáriu rai-laran sei tuir direita iha edifisiu KFP. (*)

Rate this item
(0 votes)
Last modified on Monday, 18 October 2021 16:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter