“Tanba realidade mak ne'e funsionáriu barak mak envolve iha projetu sesta bázika ida-ne'e, tanba ne'e mak ha'u dehan ita hakarak halo moris balun, hakarak halo riku balun, halo ki'ak fali sira seluk”, dehan nia iha Plenáriu PN, tersa (02/08).
Ba implementasaun Programa Sesta Bázika ne'e, Bankada CNRT rasik deskonfia maka’as katak projetu ne'e fó malu de'it atubele hariku malu.
Tanba realidade iha distribuisaun sesta bázika rasik dala-barak nia montante kuaze la tuir orsamentu ne'ebé aprova husi Parlamentu Nasionál.
Dalaruma situasaun ne'e akontese tanba projetu ida-ne'e kuaze kaer husi funsionáriu sira, no sira mak ba sosa hahán atu fó ba komunidade, hodi manipula ho presu ne'ebé boot. (*)