Bainhira PM Fó Fiar KHUNTO Preparadu Lider Ba Oe-Cusse

Bainhira PM Fó Fiar KHUNTO Preparadu Lider Ba Oe-Cusse ^Featured

By Tempo Timor August 26, 2019 2821

font size decrease font size increase font size
Print
Email

Tempotimor (Díli) – Partidu Kmanek Haburas Unidade Nasionál Timor-Oan (KHUNTO), prontu prepara lider ne'ebé di'ak, atu tuur nu'udar Prezidente Rejiaun Administrativu Espesiál Oe-Cusse (RAEOA) no Zona Espesiál Ekonomia Sosiál Merkadu (ZEESM), bainhira Primeiru Ministru fó fiar.

"Se Primeiru Ministru Taur Matan Ruak fó fiar ba KHUNTO atu ba iha ne'ebá (Oe-Cusse) ita haree tiha lai ita nia ema ne'ebé iha jestaun ne'ebé di'ak no profisionál. Ha'u fiar katak bele. Maibé, Primeiru Ministru planu atu hili ema ne'e lai," dehan deputadu Bankada KHUNTO, Luis Roberto, Segunda (26/08/19).

Deputadu Khunto ne'e esklarese, ema ne'ebé atu lidera RAEOA-ZEESM ne'e, importante mak iha jestaun ne'ebé di'ak hodi lidera Oe-Cusse ba oin.

Nia mós fiar, KHUNTO bele lidera Oe-Cusse. Tanba, Partidu KHUNTO mós prepara rekursu umanu barak.

"Iha partidu KHUNTO, rekursu umanu barak tebes. Maibé, filafali fiar husi ita nia VIII Governu, liuhosi Primeiru Ministru. Kuandu fó ba KHUNTO mós bele. Tanba, hanesan Timoroan iha rekursu umanu para bele jere saida de'it mak ita nia VIII Governu fó fiar," Luis dehan.

Rate this item

(3 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com