MAPKomS Husu Joven Mulo Kuidadu Sentru Naroman ba Suku

MAPKomS, Francisco Martins Jerónimo halo hela lansamentu ba programa naroman ba suku iha suku Mulo, tersa (07/08). MAPKomS, Francisco Martins Jerónimo halo hela lansamentu ba programa naroman ba suku iha suku Mulo, tersa (07/08). Foto Suplay

Tempotimor (Ainaro)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo husu ba joven no komunidade iha suku Mulo, Postu Administrativu Hatu-Builiku, Munisípiu Ainaro nia, atu kuidadu sentru formasaun naroman ba suku ne'ebé lansa ona iha suku laran.

Tanba joven sira ne'ebé iha suku Mulo mak sei tuir formasaun no sira rasik sei hala'o atividade nune'e husu atu kuidadu no aproveita, tanba joven sira mak sai sentru ba dezenvolvimentu iha futuru.

"Atu garante de'it ba joven sira, ho estabelesimentu sentru formasaun ne'e husu ita-boot sira atu aproveita didi'ak no kuidadu sentru formasaun ne'e, nune'e programa sira ne'e nafatin iha nia kontinuidade", dehan Francisco Martins, bainhira halo lansa Programa Naroman ba Suku, iha suku Mulo, tersa (07/08).

Programa Naroman ba Suku iha área MAPKomS nia ne'e oinsá fó formasaun ba joven sira iha suku, nune'e halo naroman komunidade nia hanoin iha suku  kona-ba dezenvolvimentu ne'ebé la'ó iha rai laran.

Governu nia hakarak, lori dezenvolvimentu konsentra iha povu, tanba povu mak sai na'in ba dezenvolvimentu, nune'e hein katak  sentru formasaun iha suku Mulo ne'e bele habelar liután mós oinsá mak atu halo kombate ba propagasaun Covid-19 iha rai ida ne'e.

Entretantu MAPKomS Kompremetidu sei nafatin fó asisténsia ba programa naroman ba suku, iha suku Mulo.

Joventude Suku Mulo, Estevanos Magalhães hatete, nia parte prontu tuir formasaun ne'e ho di'ak hodi bele ajuda Governu atu fó informasaun ba ninia komunidade sira iha suku refere.

Maibé husu ba parte kompaña telekomunikasaun sira hodi bele ajuda sira iha rede internet inklui liña eletrisidade, tanba iha suku refere dezaraska ba liña eletrisidade inklui rede internet.

"Kontente tebes ba programa naroman ba suku ne'e, maibé husu ba kompaña telekomunikasaun,atu ajuda ami liuhusi liña internet, nomós husu ba Governu atu haree mós ba liña eletrisidade tanba iha suku Mulo rasik komunidade seidauk asesu hotu liña eletrisidade, nune'e sei difikulta sira atu asesu tuir formasaun", dehan nia. (*)

 

Rate this item
(0 votes)
Last modified on Wednesday, 08 September 2021 20:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter