"Ohin Konsellu Ministru rona aprezentasaun husi Ministeriu Administrasaun Estatál kona-ba opsaun polítiku-lejizlativu subjasente ba kriasaun sentru sira akollimentu multifunsaun ida ne'e atu ho urjente atu responde ba situasaun emerjensia ne'ebé mak akontese iha fulan hirak liubá hodi responde ba Vítima sira ne'ebé seidauk iha fatin hodi hela", dehan Ministru Prezidensia Konsellu Ministru (MPKM), Fidelis Leite Magalhães, iha Ministeriu Finansas, Aitarak Laran, kuarta (08/09).

Obsaun polítiku-lejizlativu subjasente ba kriasaun sentru sira akollimentu multifunsaun ida ne'e atu ho urjente atu halo kriasaun ba divizaun administrativa ida-idak to'o munisípiu sira no Rejiaun Autónoma Espesiál Oecusse Ambeno (RAEOA).

"Opsaun sira ne’ebé aprezenta ne’e atu halo kriasaun divizaun administrativa ida-idak (munisípiu sira no RAEOA) pelumenus infraestrutura públika ida, ne’ebé destina, espesífikamente, atu servi funsaun sentru akollimentu temporáriu husi vítima asidente grave no dezastre naturál sira", dehan nia. (*)