"Enkontru ohin membru konsellu sira rekomenda ba Prezidente atu Prezidente Republika hato'o pedidu ba Parlamentu Nasionál atu deside, autoriza ou la autoriza ne'e depende ba Parlamentu Nasionál, mais ohin lokraik ida ne'e, prepara dokumentu atu haruka ba Parlamentu Nasionál", dehan Xefe Casa Sivíl Prezidente Repúblika, Francisco Maria Vasconsello hafoin reuniaun iha Palásiu Prezidensiál Bairopite, segunda (23/08).

Kona-ba medida sira ne'e depois Parlamentu Nasionál autoriza ona, Prezidente dekreta hafoin Governu sei halo fali dekretu ida atu implementasaun.

"Medida saida mak sei foti bazea ba dezenvolvimentu ne'ebé mak iha ita-nia rain, ba Covid-19 nomós variante delta ne'ebé foin dadaun sira fó sai", esplika nia.

Tanba Governu halo pedidu ba Prezidente tanke konsulta husi orgaun konsultivu, hanesan konsellu superior defeza seguransa ho konsellu estadu nune'e sira hotu rekomenda atu Prezidente Repúblika hato'o ba Parlamentu Nasionál.

"Sim, sira rekomenda, karik siknifika sira apoiu mais ha'u la bele divulga nia kontiudu ba ita-boot sira", hatete nia. (*)