“Balun soe issu ona katak ida ne'e partidu nia tanba ne'e mak atu deklara katak ne'e estadu nia ne'ebé mak Governu rua, Xina ho Timor-Leste koopera malu hodi halo servisu iha terenu, ne'e laiha indiksaun katak ida ne'e partidu nia", dehan Ministru Francisco Martins, iha Salaun Gabinete sosiedade sivíl, Palásiu Governu, segunda (23/08).
Tanba ne'e MAPKomS rasik hakarak atu halo esklaresimentu ba públiku atu labele intende sala hodi lakohi rezistu ba Instalasaun Sistema DTMT.
“Ne'e la'ós partidu polítiku nia, ne'e mai husi Governu, nune'e rejista atubele iha direitu hetan STB (antena ho Reciver) depois de rejistu mak tékniku sira sei ba halo montajen direitamente ba uma-kain ida-ida ne'ebé mak iha Televizaun (TV), ida ne'e mak hakarak halo esklaresimentu ba públiku nune'e labele mosu dezentendementu iha ninia aplikasaun no ezekusaun iha terrenu", hatete nia.
Ho instalasaun ne'e rasik gratuita la husu osan ba komunidade sira, tanba ne'e oferta mai husi Governu Xina ne'ebé iha kooperasaun entre Governu ba área dijitalizasaun RTTL,ep. (*)
