Login to your account

Username *
Password *
Remember Me

Xanana, Taur no Lú Olo Lafiar Referendu Bele Akontese iha Timor-Leste

Primeiru Ministru (PM), Taur Matan Ruak, hiit liman ba nia povu sira iha área Uaibitai, Aldeia Laumana, Suku Letemumu, Postu Administrativu Kelikai, Munisípiu Baukau, domingu (23/08). Primeiru Ministru (PM), Taur Matan Ruak, hiit liman ba nia povu sira iha área Uaibitai, Aldeia Laumana, Suku Letemumu, Postu Administrativu Kelikai, Munisípiu Baukau, domingu (23/08). Foto Tempo Timor

Tempotimor (Kelikai)-Eis Komandnate Em Chefe FALINTIL, Kay Rala Xanana Gusmão hamutuk ho eis Gerilleiru Taur Matan Ruak no Francisco Guterres 'Lú Olo', inklui mós komandante sira la fiar konsulta popular (referendu) bele akontese iha loron 30 Agustu tinan 1999 hodi fó opsaun ba Timoroan sira atu determina luta, tanba prosesu funu la define bainhira mak bele manán luta, maske objetivu luta hakarak ukun rasik-an.

"Ami sira hahú husi Maun Xanana, maun Lú Olo no komandante sira hotu, ami lafiar katak loron ida ne'e (referendu) mosu lais loos tanba sempre fiar Timor ukun-an maibé ami nu'unka fiar katak ami bele moris, tanba ami-nia maluk barak mate dalaruma ami hanoin tanba saida mak ami tenke moris no sira mak tenke mate?. Maibé sira mate ita moris, sira mate ba nasaun ida ne'e entaun", deklara eis Gerilleiru atual Primeiru Ministru, Taur Matan Ruak, iha Uaibitai, Laumana, Suku Letemumu, Kelikai, domingu (23/08).

Iha prosesu luta ba libertasuan patria durante tinan 24 timoroan barak mak lakon no fakar rán ho objetivu ne'ebé klaru iha loron ida sei hetan ukun rasik-an.

Tanba selebra loron referedu 30 Agostu ba dala-22 (30/08/1999-30/08/2021), hanesan loron espesiál ba povu Timor-Leste determina nia luta hodi bele restaura nia independénsia.

"Loron ida 30 de Agostu ne'e espesiál loos termina hodi loke loke dalan, fó dalan ba ita restaura ita-nia independénsia, entaun hakarak antesipadamente, lori ha'u-nia naran, ha'u-nia Governu tomak nia naran saúda povu Timor Lorosa'e ba loron 30 de Agostu ne'ebé besik ona ", afirma Taur Matan Ruak.

Iha loron referedu maske Timoroan barak mak ho matan been kontente hodi festeza, tanba la espera bele iha referedun ba determinasaun hodi hakat ba restaurasaun independénsia, maske ema barak mak mate.

"Importante loos ba aniversáriu tinan 22, loron ida ke ha'u haree ho matan no sente rasik ema barak tanis tanba kontente, baibain ema tanis tanba triste ida ne'e ema tanis tanba kontente", dehan nia. (*)

Rate this item
(2 votes)
Last modified on Monday, 23 August 2021 17:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter