"Oinsá mak ha'u-nia ema sira iha aldeia rua ne'e asesu ba informasaun iha RTTL ou televizaun sira seluk kona-ba dezenvolvimentu iha rai laran, seraque sira la iha liña eletrisidade”, hatete Xefe suku Atelari, Aleixo Ximenes liuhusi telefone, kuarta (28/07).
Maskr proposta hato'o ona ba parte relevante sira maibé seidauk iha resposta. Tanba ne'e husu ba parte relevante sira atu tau atensaun ba problema sira ne'ebé komunidade enfrenta iha baze.
Tanba Kmúnidade sira presiza tebes informasaun kona-ba dezenvolvimentu iha rai laran.
Nune'e Cefe Aldeia Atelari, Paulo Ximenes, lamenta tebes ho situasaun ne'e tanba Komúnidade sira durante ne'e la asesu informasaun iha RTTL tanba liña eletrisidade laiha.
"Liña eletrisidade laiha, tanba ne'e komúnidade iha aldeia rua ne'e la asesu informasaun kona-ba dezenvolvimentu iha rai laran liuhusi RTTL no televizaun sira seluk”, dehan nia.
Iha suku Atelari ho nia populasaun hamutuk 2.049, aldeia 10, maibé aldeia Liarafa ho uma-kain 28, aldeia Atelari ho uma-kain 52 mak seidauk asesu liña eletrisidade, nune'e totál uma-kain ne'ebé la asesu ba liña eletrisidade hamutuk 80. (*)
