Login to your account

Username *
Password *
Remember Me

Televizaun ABC sei Apoiu Mídia iha Timor-leste

Ekipa televizaun ABC akompaña husi Prezidente RTTL, José António Belo ‘Taraleu’ audensia hela ho Prezidente Repúblika, José Ramos-Horta, iha palasiu prezidensia, kinta (17/11). Ekipa televizaun ABC akompaña husi Prezidente RTTL, José António Belo ‘Taraleu’ audensia hela ho Prezidente Repúblika, José Ramos-Horta, iha palasiu prezidensia, kinta (17/11). Foto Suplay

Tempotimor (Dili)-Televizaun Australian Broadcasting Cooperation (ABC) deside sei apoiu média sira iha Timor-Leste.

Nune’e, Ekipa televizaun Australian Broadcasting Cooperation akompaña husi Prezidente Konsellu Administrasaun Rádiu no Televizaun Timor-Leste, Empreza Públika (RTTL,ep), José António Belo ‘Taraleu’ hala'o audensia ho Prezidente Repúblika, José Ramos-Horta, hodi ko’alia kona-ba akórdu kooperasaun ne’ebé estabelese entre televizaun ABC ho mídia sira iha Timor-Leste.

“Ohin kolega sira mai informa ba Prezidente Repúblika saida mak sira sei halo atu apoiu mídia sira iha Timor-Leste liu-liu ba RTTL relasiona ho memorandu entendimentu ne’ebé asina ona entre RTTL ho ABC kona-ba troka kontíudu no hanorin English liu husi televizaun”, dehan Prezidente RTTL, hafoin audensia ho xefe estadu iha palasiu Prezidensial, Bairu-Pite, kinta (17/11).

Televizaun ABC manifesta, dahuluk materializa kooperasaun ho RTTL.ep liliu sei asina akórdu kooperasaun iha área formasaun no kapasitasaun lian Ingles ba mídia sira iha Timor-Leste, inklui harii seksaun lian Ingles iha RTTL.

Sorin seluk, Lead International Development Public Affairs, Jo Elsom, hateten, enkontru ho Xefe Estadu ne’e ko’alia liu kona-ba importánsia mídia no liberdade ba mídia nian, tanba mídia broadcasters nasional nia papel mak promove interese públiku nian nomos apoiu sidadaun sira atu asesu ba informasaun.

“Ami agradese tebes ho Prezidente, eh ami ko’alia liga ba dezenvolvimentu mídia nian no oinsá atu servisu hamutuk mídia iha Timor hodi harii kapasidade no “skill” ho matenek ne’ebé ami iha, nomos ami sei aprende buat balun husi mídia iha Timor, nune’e bele kria relasaun iha lian jornalizmu”, nia esklarese.

Jo Elsom mós agradese ba Prezidente Repúblika, José Ramos-Horta, tanba bele disponibiliza nia tempu hodi hasoru-malu ho sira. (*)

Rate this item
(0 votes)
Last modified on Thursday, 17 November 2022 14:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter