MAPKomS Husu Komunidade Suku Maumeta Kuida STB 327

MAPKomS, Francisco Martins Jeronimo ko'alia hela ba komunidade sira iha Suku Maumeta, Postu Administrativa Bazartete, Munisípiu Likisá, segunda (19/07). MAPKomS, Francisco Martins Jeronimo ko'alia hela ba komunidade sira iha Suku Maumeta, Postu Administrativa Bazartete, Munisípiu Likisá, segunda (19/07). Foto Tempo Timor

Tempotimor (Likisá)-Ministru Asuntus Parlamentares no Komunikasaun Sosiál (MAPKomS), Francisco Martins Jeronimo husu ba komunidade sira atu kuida set top box (STB) hamutuk atutolu-ruanulu-resin-hitu (327) ne’ebé oferese gratuita ba uma-kain 327, iha Suku Maumeta, Postu Administrativa Bazartete, Munisípiu Likisá.

“Tanba Ida ne'e mak ami bele halo hodi serbí ita-boot sira, liliu iha área komunikasaun sosiál nia, tanba ne’e simu sasán ne'e ho kuidadu, ne’e sasán estadu nia ne'ebé oferese ba ita-boot sira ho gratuita hodi bele asesu Informasaun kona-ba dezenvolvimentu iha Timor-Leste”, dehan Ministru Francisco Jerónimo iha Suku Maumeta, segunda (19/07).

Tanba Governu iha ninia  programa diversifikasaun ba área komunikasaun sosiál nia tanba ne'e STB ne'e atu ajuda komunidade hodi bele asesu informasaun iha rai laran ho di'ak.

“Notísia ne'ebé ami fornese ba ita-boot sira ne'e akompaña ba, hodi bele hatene dezenvolvimentu iha rai ne'e nia laran, no kuidadu sasán sira ne’e ba hodi nune'e bele akompaña nafatin notísia nasionál sira ho diak”, hatene nia.

Nune’e kada postu, iha joven rua ka haat la'o hamutuk ho ekipa MAPKomS hodi akompaña instalasaun sira ne'e atu nune'e iha buat ruma aat joven sira bele ajuda hodi hadi’a.

"Ha'u haruka sira desloka ema na’in 2 ou 4 para aprende ho sira atu nune'e sira aprende buat ki'ikoan sira hodi bele ajuda ami, bainhira aat sira bele hadi’a, no komunidade sira la presiza telefone ba Dili, maibé karik iha aat liu ami sei mai fali hodi hadi’a”, afirma nia.

Iha fatin hanesan Prezidente Autoridade Munisípiu Likisá, Pedro Paul Gomes, husu ba komunidade iha suku Maumeta atu uza didi’ak sasán sira ne'ebé Governu oferese gratuita hodi akompaña nafatin situasaun iha rai laran ho di’ak.

"Tanba dalabarak ita rona husi kanal oioin, ho informasaun oioin kona-ba Covid-19 nia entaun halo ita tauk, maibé liuhusi programa foun ne'e espera ita bele halakon ona informasaun falsa sira iha ita-nia rai, tanba ne'e kuidadu ba sasán sira ne'e ho di'ak”, dehan nia.

Entretantu Suku maumeta iha iha aldeia haat (4) ho populasaun hamutuk 3.039. (*)

 

Rate this item
(0 votes)
Last modified on Tuesday, 20 July 2021 12:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter