Deputadu CNRT, Gabriel Soares hatete, iha momentu ne'ebá programa ida ne'e Sekretariu Eatadu Juventude no Desporta (SEJD) husu hodi prevé iha Orsamentu Jerál Estadu (OJE) 2021 atu finaliza projetu konstrusaun estadiun maibé realidade la akontese.

Tanba simu informasun husi traballadór sira katak na’in ba kompaña vision ne’ebé manán projetu ne'e iha hela nasaun Singapura, to'o agora la selu trabalador sira ne’ebé servisu durante tempu naruk.

"Kuandu ami to'o iha ne'eba, ko’alia diretamente ho traballadór sira iha ne'ebá saida mak akontese, kala fó tiha retender mak ne'e ga, ba kompaña ida tuan uza nafatin nia bandeira e fó ba kompaña ida foun naran kompaña vision, husi ita-nia maluk balun husi parte Vikeké nian, e patraun ne'e hela iha Singapura. Duut traballadór Manatutu oan sira mak rega, durante servisu to'o iha kuarta semana kotuk, kuandu ami ba halo fiskalizasaun, trabaladór sira-nia vensimentu la fó”, informa nia iha plenária Parlamentu Nasionál (PN), segunda (12/07).

Husi prosesu ne'e, halo deputadu sira sente preokupa, tanba traballadór sira ne’ebé serbisu ba kampu (estadiun) ida ne'e to'o agora la hetan vensimentu husi kompaña Vision.

"Ema sira servisu ne'e hanesan atan ida be hein los de'it, ne’ebé husu para que Ministru iha ne'e, bele enkamiña hela informasaun ida ne'e ba Sekretáriu estadu juventude no desportu, para bele tau matan ba ida ne'e”, hatete nia.

Husu ba Sekretariu Estadu Juventude nk Desportu (SEJD) atu lori prosesu ne'e ba dalan justiasa, bainhira kompaña la koopera hodi responsabiliza.

"Se labele ona haree tok kompaña ida be abandona demais ne'e, ita prosesa tuir lei, tanba ne'e bebeik ona e kampu ida ne'e, ba Maliana no Ermera ninia, juventude sira uza hotu ona, e manatutu nian ne'e até ohin (12/07) ita ko’alia rezultadu laiha”, dehan nia.

Maibé, Deputada bankada Fretilin, Gabriela Alves hatete, nia parte husu atu governu tetu hori buka solusaun ba estadiun ne’ebé abandonadu.

"Primeiru ami sekunda intervensaun kolega nian kona-ba estadiun Manatutu nian ne’ebé ohin nia ko’alia, ida ne'e informasaun ida ne’ebé ami ba hamutuk fiskaliza depois ami hetan duni infromasaun ida ne'e, tanba ne'e ami sekunda atu governu bele tetu ida ne'e”, hatete nia. (*)