"Bandeira Fretilin nunka adere ba ema seluk, ne’ebé CNRT loron ruma halo buat ruma, militante se de'it iha diretu, maibé labele simu fali bandeira Fretilin halo adere fali ba CNRT, ne'e nunka iha”, dehan nia iha plenáriu Parlamentu Nasionál (PN), tersa (06/07).

Tanba ne'e, CNRT ba halo afaliasaun labele dehan FRETILIN mak adere fali ba CNRT tanba Fretilin nunka adere ba partidu seluk ka militante husi partidu seluk.

Husu mós ba militante sira ne’ebé hakarak afilia ba partidu seluk tenke ba mesak no labele lori bandeira partidu ba entrega fali ba partidu seluk.

"Sira laiha diretu para bele foti bandeira ne'e depois militante ne’ebé mak hakarak ba ne'e mesak ba de'it, labele entrega bandeira Fretilin ba fali partidu seluk, ne'e laiha dalan”, hatete nia.

Maske kestaun afiliasaun ne'e Fretilin mós halo maibé nunka halo no haree saida mak Partidu CNRT halo.

"Imi CNRT hatudu fali mai públiku katak Fretilin adere fali ba imi, nunka, Militante ida rua karik bele, karik ne'e nia diretu, mais labele lori fali bandeira partidu Fretilin entrega fali ba CNRT, agora CNRT atu lori bandeira ne'e ba ne'ebe”, dehan nia.

Hatan ba kestaun ne'e Deoutadu CNRT, Domingos de Carvalho hatete, desde to'o agora partidu CNRT seidauk simu afiliasaun husi FRETILIN atu mai adere ba partidu.

"Ha’u akompaña iha televizaun, iha bobonaro mak Fretilin sira, CNRT hotu afilia ba PD, ne'e prezidente Assanami mak tur iha ne'eba ne'e mak iha, mais CNRT seidauk simu Fretilin atu afilia mai CNRT ne'e seidauk”, esklarese nia. (*)