"Sentru deslokadu ne'ebé sei eziste sei ativu hela sei iha sentru kolokadu hamutuk iha fatin neen totál família ne'ebé mak sei iha sentru alokasaun hamutuk 140 família no ema hamutuk 730 mak sei iha sentru alokasaun”, deklara Joaquim iha Farol, tersa (06/07).
Husi fatin neen sira mak hanesan Dom Bosco Comoro, Canosiana Hera ne'ebé muda ba Tasi Ibun Kapela Hera, Parokia Hera muda ba Eskola EBC Akanunu, Sede Suku Manleuana ne'ebé muda ba Kampu Real Madríd iha Manleuana, Fatin Restaurante Metiaut, no Rate Ain.
Ba sidadaun sira ne'e nia hela fatin estragu totál no oras ne'e seidauk iha fatin apropriadu atubele fila ba hela.
"Sira ne'ebé mak agora sei iha sentru alokasaun ne'e sira ne'ebé mak sira nia uma la eziste ona, estragu totál, por ezemplu sira ne'ebé mak iha Comoro nian iha Manleu nian, ne'e sira ne'ebé mak hela iha mota ninin no mota lori hotu sira nia uma, sira ne'ebé iha Hera mós hanesan sira ne'ebé mota lori hotu sira nia uma no sira ne'ebé iha Dom Bosco barak liu mak sira ne'ebé iha tasi tolu no momentu ne'e sira nia uma mout hotu”, informania.
Dadaun ne’e, Ekipa Ministerial Planu Ordenametu sei deside hela atu halo konstrusaun temporaria ne'ebé Governu mak sei deside, maibé oras ne'e Governe sei nafatin apoiu ba vítima hirak ne'e. (*)