“Planu nafatin kontinua programa MAPKomS nia saida mak halo iha tinan ne'e no saida mak halo iha tinan 2022, ne'ebe OJE 2022 ne'e sei kontinuasaun de'it ba programa sira antes ne'e”, deklara Ministru Francisco Jerónimo iha PN, kuarta(30/06).

Maibé sei foku nafatin ba infraestrutura hanesan edifísiu Rádiu Televizaun Timor-Leste, empreza publika (RTTL,ep) ho boa governasaun nomós liberdade espresaun ne’ebé sai mós prioridade.

“Ida ne'e mak sei sai programa prioridade MAPKomS nia tinan 2022, nafatin kontinuasaun husi programa infraestrutura ne'ebé ita prepara, atu ba RTTL nomós uma ba RTTL ho torre sira ne'e”, dehan nia.

Iha programa liberdade espresaun tenke melloria filafali saida mak la'o dadaun ne'e, no ba boa governasaun no sei hadi'a filafali instituisaun sira atubele la'o ho di'ak. (*)