Login to your account

Username *
Password *
Remember Me

CNRT Lamenta PM Taur Aujensia Iha Debate EE ba Dala-15

Deputada CNRT, Carmelita Caetano Moniz. Deputada CNRT, Carmelita Caetano Moniz. Foto Suplay

Tempotimor (Dili)-Bankada Congresso Nacional de Reconstrução de Timor (CNRT) lamenta ho Primeiru Ministru (PM), Taur Matan Ruak, ne’ebé falta iha debate ba estensaun Estadu Emerjénsia ba dala-15 iha Parlamentu Nasionál (PN).

Tanba PM Taur ho Vise Primeiru Ministru, José Reis no Armanda Berta, ne’ebé la mosu iha PN hodi iha debate no aprovasaun ba renovasaun estadu emerjénsia ne’ebé hala’o iha loron kuarta (30/06) bazeia ba pedidu husi Prezidente Republika (PR), Francisco Guteres ‘Lú Olo’.

Vise Xefe Bankada CNRT, Patrocino Fernandes, hatete, Governu tenke hatene moe, tanba povu mate hamlaha, maibé estadu tomak tenke preokupa, la'ós loron kalan buka argumentu hodi sés husi responsabilidade.

“Bankada CNRT lamenta ho Governu de Faktu ne’ebé mai husu Estadu Emerjénsia iha Parlamentu Nasional maibé auziénsia husi Primeiru Ministru ka Vise Primeiru-Ministru sira”, dehan nia iha plenária, kuarta (30/06).

Iha debate ne’e, hetan prezensa husi Ministru Prezidensia no Konselhu Ministru (MPKM), Fidélis Leite Magalães, Ministra Saúde (MS), Vise Ministra Finansa (MF), Ministru Koordenadór Asuntu Ekonomia (MKAE), Ministru Asuntu Parlamentar no Komunikasaun Sosiál (MAPKOMS) no Ministru Edukasaun Juventude no Desportu (MEJD).

Antes ne'e Primeiru Ministru (PM), Taur Matan Ruak ho Vise Primeiru Ministru, José Reis no Armanda Berta, mos aujénsia iha debate kona-ba estratéjia polítika ba medida prevensaun covid-19.

Nune'e, Deputada CNRT, Carmelita Caetano Moniz, lamenta tanba iha lei orgánika governu daualu nia hatete, Primeiru Ministru hasoru difikuldade ruma, vise Primeiru Ministru, Jose dos Reis no Vise Primeira Ministra, Armanda Berta tenke paprtisipa maibé la'ós Ministru Prezidénsia no Konsellu Ministru, Fidélis Leite Magalhães.

“Tanba ne'e mak vise primeiru ministru iha rua, ida vise primeiru ministru no ida vise primeira ministra, ne’ebé Primeiru Ministru iha impedimentu, vise nai’n-rua ne'e ida tenke reprezenta, la'ós ministru estadu ida ne'e mak mai fali iha ne'e”, hatete iha plenária PN, segunda (14/06). (*)

Rate this item
(1 Vote)
Last modified on Wednesday, 30 June 2021 19:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter