Tanba ne'e, Governu liuhusi reiuniaun Konsellu Ministru (KM) nian iha loron 23 fulan-juñu tinan 2021 delibera ona atu propoin ba Prezidente Repúblika (PR), Francisco Guterres ‘Lú Olo’, renova tan estadu emerjénsia ba dala-15.
“Ha’u hanoin ko’alia kona-ba estadu emerjénsia kontinua ne'e tanba saida?. Tanba ita-nia imitigasaun kona-ba pozitivu covid ne'e seidauk hotu”, informa Ministru Francisco iha Parlamentu Nasionál (PN), sesta (25/06).
Maibé, governu sei kontinua fó protesaun ba komunidade sira, atu labele afeta maka’as ba situasaun ida ne'e.
Pozisaun governu seidauk bele pronunsia atu Timor-Leste hapara estadu emerjénsia, tanba kazu covid-19 dadauk konitnua aumenta maske ho númeru ne’ebé ki’ik kompara ho kazu rekuperadu kada loron.
Iha problema boot ne’ebé antesipa dadaun, tanba nasaun viziñu Indonézia dadaun ne’e hahú infrenta tan kazu foun Corona-Delta ne'ebé nia transmisaun perigu tebes ba ema nia moris.
“Ita mós labele haluhan katak varia foun mai tan ona, tama ona to'o Indonézia, delta ne'e tama to'o iha Indonézia, ida ne'ebé mak lalais ninia transmisaun”, informa nia.
Ho ida ne'e, pozisaun governu sei nafatin estende Estadu Emerjénsia, tanba iha munisípiu rua mós dadauk aplika hela serka sanitaria hanesan Baukau no Dili. (*)
