“Atu hatene kada atleta federasaun, treinadór juri, arbiru nia númeru sira nia federassun ne'e oinsá, no sira-nia planu ba dezenvolvimentu, no modalidade ne'e oinsá atu hatene ida ne'e hodi ajuda governu, atu deside prioridade governu nian ba kada modalidade ba kada investimentu, ida ne'e ajuda mós governu atu kumpri baze dadus, atu fó Sertifikadu Utilizadór desportiva ba prense ona tuir lei no sira ne'ebé seidauk bele preparaan hodi prense”, dehan Abrão iha SEJD, Lesidere, sesta (25/06).
Nune'e Komisaun Reguladora Arte Marsiál, Octaviano da Conceição, hatete, informa ba organizasaun hotu atu submete estatutu dokumentu ba komisaun.
“Atu informa ba líder organizasaun arte Marsiál sira hotu kona-ba prosesu reverifikasaun ba estatutu ka dokumentu hothotu organizasaun arte Marsiál ne'ebé submete mai ona iha Komisaun Reguladora arte Marsiál (KRAM) ho hanoin katak prosesu ba rejista no rerejistu no reaktualizasaun ba dadus sira arte Marsiál sira bele lalais liu e di'ak liután”, informa nia
Entretantu Sekretáriu Jerál husi Organizasaun Persaudaraan Setia Hati Terate (PSHT), Pedro Aparicio, agradese ba Governu tanba bele fó komfiansa ba Arte Marsiá hodi eziste iha Timor Leste.
“Fó parabéns ba Governu ida ne'e tanba governu ida ne'e bele fó fali komfiansa ba Arte Marsiál sira para bele eziste, ne'e importante tanba membru Arte Marsiál sira mós sidadaun rai ida ne'e nian sira iha direitu atu halo sira-nia atividade soké tenke kumpri nafatin lei”, hatete nia. (*)