“Reklamasaun ne'e, ha'u dehan tiha ona iha parlamentu nasionál, katak reklamasaun ne'e sei rezolve, agora sesta bázika ne'e agora nia termina iha fulan ida ne'e, hotu ona, agora sira ne'ebé reklamasaun sei resolve”, hatete nia iha parlamentu nasionál, sesta (25/06).

Tanba, reklamasaun hirak ne'e, iha diretu atu asesu ba hahán sesta bázika, maibé diretu ne'e tenke identifika loloos, katak durante ne'e sira seidauk simu.

“Ida ne'e los duni ka la’e, ida ne'e mak sei halo identifikasaun hela, atu nune'e bele fó solusaun e rezolve problema ne'e”, hatete nia.

Iha programa ne’e kompaña kuaze atus-ida-resin ne'ebe implemeta distribui sesta bazika, dadaun ne'e balun hetan ona pagamentu no balun Ministériu Finansa halo hela verifikasaun ba dadus no hein de'it bainhira mak governu atu halo pagamentu.

Pozisaun governu halo pagamentu ne'e, faze depende ba kompaña sira-nia atividade hotu iha fatin ida ne'ebé, hafoin sira halo rekizasaun mai hodi halo pagamentu.

Iha fatin hanesan Deputada Bankada Parlamentar, Frente Mudansa (FM), Isabel Ximenes, dezafia governu nia politika kona-ba aplika sorteu ba sidadaun atu kompete iha programa vasinasaun covid-19.

Tanba dadauk ne'e populasaun barak mak halo reklamasaun sesta bázika maibe to'o agora governu seidauk rezolve hotu.

“Populasun ne'ebé mak iha diretu atu simu e barak mak seidauk simu, e problema ida mosu mak sasán e diretu ne'ebé mak populasaun devia simu husi sesta bázika mós sei kontinua problema. ne'ebe ita hein katak governu ninia forsa ba halo ezekusaun iha para hodi halo ida ne'e, labele mai mosu de'it ho programa oioin mais depois halo ezekusaun programa ne'e laiha”, dehan nia iha PN, sesta (25/06).

Tanba ne’e, Governu tenke rezolve uluk programa sesta bázika, ne’ebé mak populasaun sira-nia diretu ne'ebe lolos sira tenke simu.

Bainhira populasaun sira simu sesta baázika hotu ona, hanoin katak populasaun ida-idak mós sei hanoin atu partisipa ativu liu iha programa vasinasaun, no programa seluk. (*)