Login to your account

Username *
Password *
Remember Me

MAPKomS Lansa Vasinasaun Covid-19 Iha Suku Seloi Kraik

MAPKomS, Francisco Martins Jerónimo konversa hela ho komunidade kona-ba vasina iha suku Seloi kraik-Aileu, kinta (25/06). MAPKomS, Francisco Martins Jerónimo konversa hela ho komunidade kona-ba vasina iha suku Seloi kraik-Aileu, kinta (25/06). Foto Suplay

Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, lansa vasinasaun Covid-19 iha suku Seloi kraik, Postu Administrativu Aileu vila, Munisípiu Aileu.

"Prezensa dala ida tan iha Aileu atu motiva no konsensializa komunidade katak vasina ne'e seguru ba saúde ne'ebé hanesan meiu úniku atu kombate propagasaun virus COVID-19”, dehan Ministru Francisco Jerónimo iha suku Seloi kraik-Aileu, kinta (25/06).

Komunidade vasina ne'ebé hala'o daudaun iha Timor-Leste mak AstraZeneca no Sinovac maibé vasina tipu Sinovac prioritizadu ba profesór no estudante sira.

Iha oportunidade ida ne'e mós enkoraza komunidade katak informasaun sira ne'ebé espallada iha mídia sosiál no mídia nasionál katak vasina tipu AstraZeneca ne'e fó risku ba ema nia saúde, ne’e laloos.

“Tipu AstraZeneca ne'e fó risku ba ema nia saúde, ne’e laloos, tanba nasaun 661 mak uza AstraZeneca hodi vasina ninia populasaun no to'o ohin loron organizasaun mundiál Saúde (OMS) seidauk hatún relatóriu sientífiku ruma ne'ebé hatete katak vasina ne'e la di'ak”, afirma nia.

Iha fatin hanesan, Administradór munisípiu Aileu, Abel da Conseição, hamutuk ho autoridade lokál agradese ba MAPKomS tanba hakat to'o iha sira-nia fatin hodi fahe informasaun kona-ba prevensaun COVID-19 no ofisiálmente lansa ona vasinasaun.

Entretantu marka prezensa iha kanpaña, lansamentu ne'e, komandante Polísia Munisípiu Aileu, Diretór Saúde Aileu, tékniku Saúde, xefe suku no xefe aldeia sira inklui populasaun. (*)

 

Rate this item
(0 votes)
Last modified on Friday, 25 June 2021 13:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter