Login to your account

Username *
Password *
Remember Me

Bankada FM 'Dezafia' Governu Implementa Sorteiu Iha Programa Vasinasaun

Deputada Bankada Frente Mudansa (FM), Isabel Ximenes. Deputada Bankada Frente Mudansa (FM), Isabel Ximenes. Foto Suplay

Tempotimor (Dili)-Deputada Bankada Parlamentar Frente Mudansa (FM), Isabel Ximenes, 'dezafia' ho governu ninia politika kona-ba implementasaun sorteiu ba sidadaun atu kompete iha programa vasinasaun covid-19.

Maske, governu hili medida ida ne'e ho hanoin atu hasa'e taxa vasinasaun lalais maibé governu presiza haree mos sira-nia forsa atu ezekuta programa foun ida ne'e.

Tanba dadauk ne'e populasaun barak mak halo reklamasaun sesta bázika maibe to'o agora governu seidauk rezolve hotu.

"Populasun ne'ebe mak iha diretu atu simu e barak mak seidauk simu, problema ida mosu mak sasán e diretu ne’ebé mak populasaun devia simu husi sesta bázika most sei kontinua problema. Ne’ebé ita hein katak governu ninia forsa ba halo ezekusaun iha para hodi halo ida ne'e, labele mai mosu de'it ho programa oioin mais depois halo ezekusaun programa ne'e laiha”, dehan nia iha PN, sesta (25/06).

Programa sesta bázika, devia estadu rezolve uluk mak ida ne'e tanba ida ne'e mak populasaun sira nia diretu ne’ebé lolos sira tenke simu.

Bainhira populasaun sira simu sesta bázika hotu ona, hanoin katak populasaun ida-idak mós sei hanoin atu partisipa ativu liu iha programa vasinasaun, no programa seluk.

Maibé, Bankada FM hein katak programa foun ne'e governu iha duni forsa atu ezekuta, no governu labele hamosu tiha programa oioin maibé laiha rezultadu ezekusaun.

Tanba maneira ida ne’ebé governu hili ne'e sai mós motivasaun ida ne’ebé governu hakarak fó ba populasaun hodi insentiva sira bele ba partisipa iha vasina ne'e rasik.

Nu’udar reprezentante povu, bankada FM mós sei laiha suestaun tanba ida ne'e foin planu governu ne’ebé aprezenta iha Konselhu Ministru, seidauk mosu dekretu governu rezolusaun ruma kona-ba programa ida ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter