Login to your account

Username *
Password *
Remember Me

Aban, PN Hahú Debate Alterasaun Lei Eleitorál iha Jeneralidade

Deputadu sira ne'ebe tur hela iha Parlamentu Naisional. Deputadu sira ne'ebe tur hela iha Parlamentu Naisional. Foto Suplay

Tempotimor (Dili)-Parlamentu Nasionál (PN) iha Ona planu aban, loron segunda (21/06), sei hahú debate ba proposta alterasaun lei elitorál tolu ne'ebé aprezenta husi governu iha diskusaun jeneralidade.

Pakote lei eleitorál tolu ne’e hanesan lei órgaun administrasaun eleitorál, Lei resensiamentu eleitorál, no lei eleitorál Prezidente Repúblika.

Prezidente PN, Deputadu Aniceto Longuinhos Guterres Lopes hatete, pakote lei hirak ne'e, dadauk Komisaun A trata asuntu justisa no konstituisional aprezenta ona relatóriu pareser ba meza atu deputadu s sira debate iha jeneralidade.

“Pakote lei eleitorál tolu ne’e ajenda ba segunda (21/6), kona-ba diskusaun no aprovasaun iha jeneralidade”, informa Aniceto iha PN, sesta (18/06).

Husi pakote lei tolu ne'e, bainhira Komisaun A no plenária aselera diskusaun, mak Parlamentu espera antes fulan-juñu remata bele aprova iha finál global, nune’e haruka ba Prezidente Repúblika atu hetan promulgasaun.

Tanba, pakote lei eleitorál tolu ne’e prioridade atu aposta ba debate ho karáter urjénsia.

Aleinde prioridade tuir mai mak lei enkuardamentu orsamentu no jestaun finanseira públika, mós Parlamentu Nasionál agora ne'e buka atu trata hotu, atu nune'e molok tama loron 14 fulan-jullu, tenke aprova hotu finál globál nune’e haruka ba Prezidente Repúblika.

Enkuantu proposta alterasaun ne'ebe governu liuhosi Ministériu Administrasaun Estatál (MAE) aprezenta mak hanesan alterasaun datoluk ba lei númeru 5/2006, 28 dezembru, kona-ba órgaun administrasaun eleitorál, alterasaun dahuluk ba lei númeru 6/2016, 25 maiu, kona-ba lei resensiamentu eleitorál no proposta-lei alterasaun daneen ba lei 7/2006, 28 dezembru, kona-ba lei eleitorál ba Prezidente Repúblika. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter