“Apela liuhusi ita-boot sira-nia mídia atu informa ba Xefe suku, Xefe Aldeia sira hotu Membru Konsellu Suku sira hotu, atu mobiliza ita-nia populasaun sira hodi partisipa iha kampaña vasinasaun iha Timor laran tomak”, dehan Ministru Miguel Pereira iha Ministériu Finansas, kuarta (09/06).
Tanba iha loron 14 fulan-juñu Ekipa Nasionál Saúde sira halo vasina iha Munisípiu nune'e líder komunitáriu sira mobiliza komunidade hodi asesu kampaña vasinasaun.
“Hahú dia 14 Juñu 2021, segunda semana oin governu sentrál sei halo vasinasaun iha Munisípiu hothotu, importante tebetebes Xefe Suku, Xefe Aldeia sira hotu, Membru Konsellu Suku sira por volta ema 8.900 ne'e atu molibiliza sira-nia komunidade sira bele hetan Vasina”, dehan nia.
Maibé la obriga sidadaun atu partisipa, mais fó konsellu atubele komprende hodi simu vasina tanba benefísiu ne'e di'ak liu.
Nune'e atividade mobilizasaun komunidade ne'e governu prepara insentivu finanseiru ba Líder Komunitáriu, Xefe Aldeia sira hotu Membru konsellu suku sira hotu. (*)
