"Objetivu asina akordu ho mídia online hanesan Rádiu Rakambia no Radio Voz inklui mídia imprimi Business Timor, ida ne’e atu ita koopera ho instituisaun hotu hodi bele públika públisidade kona-ba surtu covid-19, hodi bele kombate pandemia global ida ne'e iha mundu inklui Timor Leste”, dehan Ministru Francisco Martins iha Gabinete MAPKomS, tersa (25/05)
Asina akordu ho mídia tolu ne'e laiha intensaun seluk ne'ebé kesi jornalista sira tuir MAPKomS nia hakarak, maibé hakarak serbisu hamutuk ho mídia sira ho papel ida atu luta kontra Covid-19
"Ami laiha intensaun seluk asina akordu ida ne'e, maibé ami-nia hakarak serbisu hamutuk, ita-boot sira halo ita-boot sira-nia papel, ami halo ami-nia papel, maibé iha papel ida luta kontra Covid-19 ne'e ita hotu nia”, afirma nia.
Iha fatin hanesan prezidente rádio voz, Elienai Auvismoura hatete, akordu ne'e atu serbisu hamutuk ho MAPKomS hodi fó sai informasaun kona-ba kombate pandemia Covid-19.
"Objetivu prinsipál asina akordu ne'e mak ami atu serbisu hamutuk, tanba ohin loron breaknews no informasaun hoax kona-ba Covid-19 ne'e barak tebes halo povu sira tauk, tanba ne'e MAPKomS bolu ami asina akordu hodi ami mós bele fó sai informasaun kona-ba kombate pandemia Covid-19”, dehan nia. (*)
