Maske iha loron kinta (20/5), povu Timor-Leste komemora loron espesial restaurasaun independénsia ba dala 19, maibé covid-19, labele selebra hanesan tinan hirak liuba.

Xefe suku Makadike, Afonso dos Reis hatete, kona-ba komemorasaun loron espesiál 20 maiu ne'e, administrasaun postu Uatulari fó ona aviza ba Uatularioan tomak, atu dada bandeira iha ida-idak nia uma oin.

“Ami-nia administrasaun postu nian, avizu mai dehan tuir orientasaun nasional nian katak, ami komunidade ida-idak dada (bandeira) iha nia uma, maibé selebrasaun ida en jerál ne'e ami laiha”, informa nia ba www.tempotimor.com liuhosi telefone, kinta (20/05).

Ho ida ne'e, parte suku mós fó hatene ona ba komunidade sira atu dada bandeira nasional iha rejidénsia, tanba Uatulari sei laiha selebrasaun jerál ba loron 20 maiu. (*)