Ho ida nee, konfiansa povu nafatin ba instituisaun refere tanba instituisaun estadu nian tantu instituisaun PNTL ka F-FDTL
"Problema ne'e individu mak halo, mai ita hothotu tenke fiar nafatin instituisaun PNTL no ita hothotu mai servisu atu dezenvolve instituisaun ida ne'e”, dehan nia hafoin reuniaun ho Primeiru Ministru, Taur Matan Ruak iha rezidénsia Farol, segunda (07/06).
Relasiona ho públik nia komentáriu pozitivu no negativu ne'e hanesan, lisaun ida ba instituisaun PNTL atu aprende hodi dezenvolve no hadi’a di’ak liután instituisaun.
"Ita hothotu lakohi instituisaun marka pasu henesan ne'e, iha sala hadi’a no liuhusi krítika atu dezenvolve, se la krítika ita hanoin buat hothotu di'ak nune'e ita simu nafatin kritika husi públik hodi hadi’a instituisaun PNTL”, deklara António.
Tanba ne’e, Polísia kontinua halo nafatin nia servisu, hanesan konsagra ona iha konstituisaun RDTL atu serbí povu, proteze povu hodi implementa lei no orden.
"Ne'ebé ema ida la fiar ne'e individu, maibé instituisaun ne'e eziste nafatin no situasaun ne'e akontese tanba individu ida mak halo públik kestiona katak ami hahú lakon ona konfiansa husi PNTL, maibé prontu, PNTL instituisaun estadu nian, nia eziste nafatin, ita mellora nafatin, hadi’a nafatin membru sira ne'ebé iha laran, oinsá mak atu gaña fali konfiansa husi povu”, afirma nia. (*)