“Husu timoroan hothotu simu vasina ba, hodi aumenta imunidade hasoru Covid-19”, dehan PPN Aniceto iha Parlamentu Nasionál (PN), sesta (14/05).
Tuir dadus ne'ebe fó sai husi Sentru Intergradu Jestaun Krize (SIJK), dadaun númeru Covid-19 iha teritóriu Timor-Leste laran, liuliu iha Munisípiu Dili aumenta kada loron konsege hamate ona ema na’in-8.
Maibé, sidadaun sira-nia movimentu iha fatin públiku sira rame hela de'it, no ladun halo tuir regra prevensaun no mitigasaun Covid-19 ne'ebé lori risku no kontribui ba hada'et covid-19.
Tanba ne'e husu ba sidadaun hotu atu hamutuk hodi kontribui ba buka solusaun, kumpri regra saúde nian ba prevensaun no mitigasaun Covid-19.
“Ezemplu rai sira, hanesan Índia, ne'ebé sofre maka’as moras ne'e tanba la kumpri regra Covid-19, la fiar katak moras ne'e iha duni, la halo tuir regra saúde públika ni'an-sira, uza razaun oioin hodi justifika hahalok sira ne'ebé lori risku ba saúde individu no ba saúde públika”, dehan nia. (*)
