Governu Ajudika Kompaña Montana Diak, Hadi'a Estrada Embaixada Japaun Oin

Liuron kotuk iha Embaixada Japaun nia oin durante inundasaun iha Loron Dominigo (4/4) Liuron kotuk iha Embaixada Japaun nia oin durante inundasaun iha Loron Dominigo (4/4) Foto Arkivu

Tempotimor (Dili)- Governu liuhusi Ministériu Obrás Públiku (MOP) halo ajudikasaun direita ona ba kompaña Montana Diak, hodi reabilita ho urjensia ba estrada diresaun tasi ibun área Kampun-Alor Embaixada Japaun nia oin ne'ebé antes ne'e estragu husi inundasaun.

Konsidera estrada refere presíza halo rekonstrusaun urjensia, tanba ne’e hanesan estrada protokolu, mak deside hodi ajudika ba kompaña Montana Diak hahú servísu.

Tuir observasaun www.tempotimor.com iha terenu nota katak, servísu normáliza estrada refere, dadaun eskavator rua mak suru sai hela rai henek tasi nian iha estrada ne'ebé kotu atu normáliza permanente hikas.

Normáliza estrada ne'e, bazeia ba despaxu husi Primeiru Ministru (PM), Taur Matan Ruak, ho númeru 46/PM/IV/2021 hodi forma ekipa Task Force liuhusi Ministeriu Planu no Ordenamentu (MPO) ho Ministériu Obrás Públiku (MOP) halo identifikasaun no kuantifikasaun ba estragu sira.

Nune'e, Ministru Obrás Públika (MOP), Salvador Pires, orienta Diresaun Jerál Obrás Publikas (DJOP) liuhusi Diresaun Nasionál Estrada Ponte no Kontrolu Seias (DNEPCC) servisu hamutuk ho kompaña hahú halo rekonstrusaun permanente ba estrada monu iha embaixada Japaun oin, Kampung Alor, Dili, ne'ebé afeita husi inundasaun loron 04 fulan-abril 2021.

Kompaña Montana Diak iha fatin refere, dadaun hala'o ona servisu iha terenu, no hetan akompaña direita husi Diretór Nasionál DNEPCC, João Gama, no tékniku sira hodi orienta kompaña servísu tuir estudu no dezeñu ne'ebé iha. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter