Sekretáriu Estadu Kooperativa (SEKoop), Elizário Ferreira hatete, hafoin inundasaun iha loron 04 fulan-abril, parte SEKoop hamosu inisiativa hodi halo levantamentu dadus ba komunidade sira iha kapitál Dili laran.
Husi dadus ne’ebé iha aldeia hamutuk 30, familia afetadu iha 2458, mak mobiliza parseiru sira halo kontribuisaun hodi apoia vítima sira.
"Liliu Xefe família hamutuk 1920 mak hetan ona apoiu nesesidade bazika husi ida ne'e", hateten SEKoop, Elizário Ferreira iha nia kna'ar fatin Akait, aldeia Formosa, suku Gricenfor, postu administrativu Na'in-Feto, tersa (20/04/2021).
Maibé, atu kontinua fó apoiu emerjénsia depende ba situasaun, maibé ligasaun ho dadus vítima afetadu nian, entrega ona Sekretária Estadu Protesaun Sivíl (SEPS) atu asegura.
Diretór Jerál SEKoop, Francisco Xavier hatutan, apoiu báziku ne'ebé sira oferese ona ba komunidade afetadu sira mak hanesan, biti ho fós saka ida ba kada uma-kain.(*)