Maske OJE 2021 ne'e PN aprova no promulga husi Prezidente Republika (PR), iha dezembru 2020 hodi fó ba governu ezekuta.
Maibé ezekusaun foin to'o fulan-Janeiru to'o Marsu, governu ne'e rasik hahú ba PN atu husu tan rektifikativu.
"Governu foin mak ezekuta de'it osan iha fulan rua, mais husu tan orsamentu rektifikativu, kuandu hau kaer ba ida ne'e, hau bele hatete katak, iha buat ruma sala iha deskusaun OJE 2021”, hatete deputada CNRT, Virgina Ana Belo liuhusi diskusaun proposta retifikativu 2021 iha PN, tersa (20/04).
Kona-ba prosesu husu rektifikativu ne'e Bankada CNRT sei lembra ho governu anterior sira, bainhira atu aprezenta orsamentu rektifikativu sempre iha inisiu fulan-juñu no Jullu.
Hatan ba kestaun ne'e, Xefe bankada KHUNTO, Olinda Guterres husu ba ba governu lalika responde preokupasaun sira husi deputadu CNRT.
Tanba haree ba CNRT nia kritika sempre dirije liafuan inkapasidade ba membru governu.
"Husu ba ministru sira lalika hatan ida, tanba ita-boot sira inkapasidade, ita-boot sira de faktu, di’ak liu lalika hatan”, dehan nia(*)