CNRT Identifika OJE Sa'e ba Billaun US$2.1

Deputada Bankada CNRT, Carmelita Caetano Moniz iha plenaria Parlamentu Nasional Deputada Bankada CNRT, Carmelita Caetano Moniz iha plenaria Parlamentu Nasional Foto arkivu

Tempotimor (Dili)- Bankada Congresso Nacional de Reconstruçao de Timorense (CNRT) kestiona ho Orsamentu Jerál Estadu (OJE) 2021 sa'e ba billaun US$2.1.

Husi valór orsamentu sira ne'e, nu’udar konsekuensia husi Orsamentu Retifikativu (OR) hamutuk millaun US$223 ne’ebé aprezenta husu governu.

Deputada Bankada CNRT, Carmelita Caetano Moniz hatete, ezekusaun OJE 2021 oras ne’e foin atinje 20%, tanba liuhusi trimestre dahuluk iha tinan fiskál ida tenke atinje 25% ba leten.

“Ho ezekusaun mínimu hanesan ne’e, Governu mai husu tán aumentu sa’e tiha ba billaun US$2.1. Governu nia kapasidade ezekusaun mínimu maibé Governu hakarak mai husu tán”, dehan iha plenária PN, tersa (20/04).

Loloos ne’e, medida implementasaun aprova de’it iha Konsellu Ministru maibé Governu lori ba Parlamentu Nasionál mak aprova.

Nune’e, Deputadu Virgínha Ana Belo lamenta proposta Governu nian husu aumenta liuhusi alterasaun OJE 2021.

Tuir proposta Governu nian husu halo alterasaun ba tabela I, II, no III anexa ho Lei númeru 14/2020, 29 dezembru, hodi reforsa fundu COVID-19, ho kompensasaun iha aumentu reseita dekorrente integrasaun saldu jerénsia la'os eskritu ho redusaun dotasaun orsamentál Fundu Infraestrutura no dotasaun Governu tomak.

Maibé, reseita konsolidada husi setór públiku administrativu atuál to’o billaun US$2,245,6 no reseita órgaun no servisu administrasaun sentrál ho totál billaun US$1,932,5.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter