CNRT Konsidera Natureza Fó Alarma Governu Labele Politiza Covid-19

Tempotimor (Dili) - Deputadu Bankada Congresso Nacional de Reconstrução de Timorense (CNRT), José Vergilho, konsidera akontesimentu udan no anin boot durante loron rua hanesan natureza fó alarma ba governu atu labele politiza situasaun covid-19, hodi taka atividade hothotu iha rai laran.

Wainhira governu deside taka atividade kuktura, inklui taka ativudade igreja, hatudu katak governu la fiar ona uma lisan no maromak, tanba ne’e natureza fó hanoin ba governu atubele haree situasaun ne’e ho di’ak.

“Sé governu, lafiar buat hotu, la fiar maromak la fiar uma lisan, ne'e mak natureza sei mosu no sei akontese, ha’u kaer ba bispu nia liafuan, ne’ebé dehan katak, sé covid mak los duni, ne'e laiha buat ida, ne'e públiku hotu hatene, sé covid ne'e governu inventa saida mak akontese, ita bele dehan situasaun inventa hanesan ne'e”, kestiona nia iha Parlamentu Nasionál, segunda (05/04).

Aleinde, kaer mós ba liafuan deputadu balun husi bankada apoiu nian, ne’ebé dehan covid-19 ne'e diabu, mak bankada CNRT haree katak, covid ne'e diabu, entaun tenke husik igreja no uma lisan sira buka dalan no meius oinsá mak duni sai husi TL.

"Ita-ko’alia kona-ba natureza, sim ne'e natureza duni, maibé dala barak ami kuandu ko’alia iha Parlamentu ne'e, hothotu tauk tanba Covid-19, ate deputadu balun iha ne'e dehan covid ne'e diabu, sé ita dehan covid-19 ne'e mak diabu, nusa mak ita bandu igreja, at liután ita bandu ita-nia lia-na’in sira ne’ebé mak ita haree katak husi fulan-janeiru to’o mai fulan-marsu, ema atu halibur malu sau batar, ne'e mós hanesan buat ida karik atu bele dudu covid-19 ne'e sai husi ne'e”, hatete nia.

Maibé, iha loron 2 fulan-abril, governu rasik deside estende tan serka sanitária hodi taka atividade igreja no kultura, inklui halo populasaun barak menus ai-han, inklui movimentu labele la'o ba mai.

Bankada CNRT konsidera, governu lafiar buat hotu, inklui inventa situasaun covid-19 iha rai laran.

"Ita bele dehan situasaun inventa hanesan ne'e, tanba ita haree foin lalais ne'e, hakfodak covid ne'e ema hotu iha telvizaun, iha Xina ne'eba ne'e ema haree covid ne'e, kuandu kona ne'e ema tebretek mate kedan, sintoma ne'e laiha ida, sintoma ne'e hanesan ema hotu agora ita haree de'it, udan, anin, malirin, ne'e mak halo ema simtomas”, afirma nia.(*)

Rate this item
(0 votes)
Last modified on Monday, 05 April 2021 13:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter