Apoiu hirak ne’e hanesan fós tonelada 3, mina 250 litrus, supermi kaixa 68, mantolun rak 12, sabaun kaixa 2 no masin kaixa 1 ne’ebé preparadu hodi distribui.

Inisiativa ne'e, organiza movimentu solidariedade ne’ebé hari’i posku ida iha Kampaun HAK ho AJAR nian, hodi akumula apoiu nesesidsde bazika sira husi parseiru Membru TAPSA, ONG, Rede Defensor Diretus Umanus no individu sira, membru HAK ho ativista sira ne’ebé koopera voluntarimentu hodi distribui ba estudante sira hela Kost.

Portavoz, no atual responsavel Komité Popular, Carlito da Costa hatete, ho kondisaun actual ne’ebé Governu implementa hela hanesan Serka Sanitária (SS) ho konfinamentu obrigatóriu hahú husi fulan-marsu iha Munisípiu Bobonaro, Covalima, Baukau, Vikeke liliu iha Munisípiu Dili.

Maibé, hafoin serka sanitária ne’ebé mosu, prejudika tebes populasaun sira labele movimentu ba mai hodi hala'o sira-nia atividade.

Ho Situasaun hirak ne’e afeta mós ba kondisaun estudante sira ensinu Superior, Sekundáriu balun, no sira ne’ebé tuir kursu mai husi Munisípiu 13 hodi hela kost iha Munisípiu Dili.

“Ho Situasaun lamentavel ida ne’e, mak hafanun konsiénsia movimentu solidariedade umanitariu atu fó apoiu imunitáriu ba sira ne’ebe presiza tebes tulun liliu estudante hirak ne’ebé hela kost iha Dili laran”, dehan nia liuhusi komunikadu imprensa iha salaun Organizasun HAK, Farol, kinta (01/04).

Maibé, apela ba estudante sira, atu nafatin esforsu hodi ejize apoiu no governu tenke responde nesesidade bázika estudante sira.(*)