Governu Hapara Serka Sanitária Iha Fatumea

Governu Hapara Serka Sanitária Iha Fatumea Foto Suplai

Tempotimor (Dili)-Governu liuhusi reuniaun Konsellu Ministru deside hapara serka sánitaria no konfinamentu obrigatóriu iha Postu Administrativu Fatumea, Munisípiu Covalima, tanba númeru kazu Covid-19 kontroladu.

Desizaun hapara serka sanitária ne’e, bazeia ba relatoriu ne'ebé aprezenta husi Sentru Integradu Jestaun Krize (SIJK) ba Governu.

Serka sanitária ne’ebé aplika ba Munisípiu Covalima inklui Postu Administrativu Fatumea iha loron 15 fulan-fevereru tinan 2021, hafoin remata iha loron 8 fulan-marsu.

Maibé, númeru kazu ne’ebé aumenta iha Postu Administrativu Fatumea mak Konsellu Ministru delibera ona atu hakotu impozisaun serka sanitáriu ida iha munisípiu Covalima iha loron 10 fulan-marsu, maibé kontinua iha Postu Administrativu Fatumea, ne’ebé mantein to’o loron 21 fulan-marsu tinan 2021.

Ministru Prezidensiá Konsellu Ministru, Fidélis Leite Magalhães hatete, Konsellu Ministru rona aprezentasaun ida ne'ebé kle'an husi Sentru Integradu Jestaun Krizi kona-bá pontu situasaun epidemolojia iha rai laran.

"Hafoin de ida ne'e, Konsellu Ministru mós ohin aprova proposta rezolusaun governu ne'ebé mak deside atu halo para ona, serka sánitaria iha Postu Administrativu Fatumea, Munisípiu Covalima”, dehan nia hafoin reuniaun Konsellu Ministru iha edifísiu Ministériu Finansas Aitarak-laran, kuarta (24/03).

Haree ba relatóriu ne’ebé aprezenta fó espasu ba governu hodi hakotu serka sanitária ba Postu Fatumea durante ne’e.

“Entaun, permite Konsellu Ministru deside hodi hapara ona, serka sánitaria iha Fatumea”, afirma nia.

Nune'e, serka sánitaria no konfinamentu obrigatóriu iha Munisípiu Covalima tomak laiha ona, maibé husu nafatin ba populasaun atu mantein nafatin regra prevensaun Surtu Covid-19. (*)

Rate this item
(0 votes)
Last modified on Wednesday, 24 March 2021 17:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter