Iha deliberasaun ne'e, governu propoin atu renova estádu emerjensia bá loron 30 tan, hodi bele prevene Surtu Covid-19 iha rai laran.
Ministru Prezidensiá Konsellu Ministru, Fidélis Leite Magalhães hatete, propoin atu renova estádu emerjensia bá dala-12, tanba haree bá kazu moras Covid-19 kontinua sa'e.
Nune'e, ho EE ba dala-12 ne'e atu fasilita governu hodi kontrola tranzisaun moras Covid-19 ho di'ak.
"Haree ba mudansa preokupante husi situasaun epidemiolójika no proliferasaun ba kazu sira ne’ebé mak rejista ona husi kontájiu COVID-19 nian, tantu iha nivel rejionál, nomós iha nivel mundiál, no atu evita no neutraliza risku sira husi propagasaun SARS-CoV-2, atu nune’e bele proteje saúde públika no iha kbiit atu hatán ba Sistema Nasionál Saúde nian”, dehan nia liuhusi konferensia Impresnsa hafoin reuniaun Konsellu Ministru iha edifísiu Ministériu Finansas Aitarak-laran, kuarta (24/03).
Governu propoin ba Prezidente Repúblika katak, ho renovasaun estádu emerjénsia nian ne’e, permite atu suspende ka limita direitu no garantia fundamentál balun.
Estádu Emerjensia dala-11 ne'ebé dadaun validu hela sei remata iha loron 02 fulan-marsu tinan 2021. (*)
