Tanba ne’e, atu evita serkulasaun povu iha públiku ligadu ho kondisaun ekonomia povu nian, governu presiza ajudu umanitária hanesan subsídiu osan dereitamente ba povu liuliu sira ne'ebé Vulnerável.
"Tenke halo duni, distribusaun ka apoiu finanseira ruma ba fatin ne'ebé ema labele serkula, mais labele halo povu mak ba hasoru sira, sira mak ba hasoru povu iha uma e fó ba ema ne'ebé vulnerável teb-tebes, haree tuir nia klase sosiál, labele fó ba ema sira ne'ebé nia moris kondisaun ekonomia di’ak, ne'e labele”, dehab David ba www.tempotimor.com iha PN Dili, tersa (16/03).
Mesmu governu loke ona andamentu liuhusi rezolusaun Serka sanitária bandu povu sai husi uma maibé povu nafatin halo movimentu tanba iha nesesidade urjensia relasiona ho ekonomia.
Buat sira ne'e akontese tanba povu lakon konfiansa ba governu hafoin situasaun empase polítika no pandemia covid-19 fó inpaktu ba ekonomia rai-laran.
"Ita haree husi serka sanitária-konfinamentu obrigatóriu, buat sira ne'e hotu kuaze povu nia interpretasaun ba situasaun ne'e kuaze frustasaun, andamentu governu to’o mai agora buat ne'ebé inserteza polítika, sira ne'e hotu mak transforma povu ne'e sai nune'e”, afirma David..
Tuir observasaun jornalista www.tempotimor.com iha Munisípiu Dili, kuaze komunidade balun nafatin halo movimentu, balun mós halo ezersisiu (ola-raga) no PNTL konsege kaptura no husik sira mesmu regra Serka sanitária bandu atu sai husi uma bainhira laiha nesesidade urjensia.
Maibé iha loron segunda (15/03), Governu deside kontinua estende tan ba Munisípiu Dili to’o loron 02 fulan-abril tinan 2021 no aplika ba Munisípiu Baukau no Vikeke ne'ebé hahúloron 15 to’o 29 fulan-marsu tinan 2021.(*)