PM Taur Kontenti ho Progresu Konstrusaun Portu Tibar

Enjineru sira halo hela esplikasaun ba PM Taur Matan Ruak ho membru Governu sira durante vizita ba fatin konstrusaun Portu Tibar, Segunda (8/2) Enjineru sira halo hela esplikasaun ba PM Taur Matan Ruak ho membru Governu sira durante vizita ba fatin konstrusaun Portu Tibar, Segunda (8/2) Foto Midia PM

Tempotimor (Dili)- Primeiru Ministru (PM) Taur Matan Ruak, kontente ho progresu kontrusaun Portu Baía Tibar ne'ebé hatudu avansu.

Intensaun Xefe Governu vizita Portu Tibar atu haree ninia prgresu konstrusaun ne'e.

"Ha'u la'ós enjiñeiru mais kontente tebes ho dezenvolvimentu ne'e, tanba tinan kotuk ha'u mai iha-ne'e tasi, ohin mai oin seluk ona, entaun ita hanesan parseiru ho Bollore, tanba parséria públiku no privadu ho estadu ho Bollore", PM Taur espresa hafoin vizita Portu Tibar, segunda (08/02/21).

Iha vizita ne'e mos, PM Taur haree atu halo perparativu hodi bele kompleta tán buat hirak ne'ebé presiza kompleta, antes atu entrega ba governu.

"Mai vizita Portu Tibar liuliu halo preparativus para haree nia nível dezenvolvimentu ne'e la'o oinsá ona, oinsá maka husi parte governu nian liuliu ministériu sira-ne'ebé relasaun ho portu ne'e bele mós halo perparativus," dehan PM Taur.

Xefe Governu fó-sai katak tinan 2022 fulan maiu kompañia Bollore tenke entrega ona ba governu.

"Tinan oin ne'e aban ona, ami mai vizita objetivu ida ne'e, primeiru haree nia nível dezenvolvimentu to'o iha-ne'ebé," tenik Xefe Governu.

Progresu konstrusaun ba Portu Tibar ne'e atinje ona 45%.

"Segundu preparativus saida mak tenke halo tán para ke antes entrega ba ita buat hotu-hotu prontu para ajuda nia funsionamentu operasionalizasaun", PM relata

Pagamentu ne'ebé parte governu atu halo ba kompañia Bollore ne'ebé hala'o prosesu konstrusaun ba Portu Tibar ne'e tuir pursentu ne'ebé iha.

Iha vizita ne'e akompaña husi Ministru ba Planu no Ordenamentu (MPO), José Maria dos Reis, Ministru Obra Públika (MOP), Salvador dos Reis Pires, Ministru Transporte no Komunikasaun (MTK), José Agostinho da Silva, Ministru Finansa (MF), Rui Augusto Gomes, Ministru Koodenadór Asuntu Ekonómiku (MKAE), Joaquim Amaral no Ministru Jusitisa (MJ), Manuel Cárceres da Costa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter