Ministru Cárceres, esplika dadur mak sira-nia estatu maibé estatutu nu'udar sidadaun timor ne'e la hasai, hasai mak sira-nia liberdade sirkulasaun.

Nia hatutan, tanba sira halo sala hasoru lei, ne'e mak hasai sira-nia direitu atu la'o livre.

"Wainhira ha'u ba vizita sira, ha'u sempre dehan imi la'ós kastigu maibe imi mai kumpri imi-nia pena hanesan peniténsia ida depois imi bele muda imi-nia aan no bele tranforma imi-nia aan," Ministru Dr.Manuel Cárceres informa ba jornalista sira Iha Kaikoli, segunda(8/2).

Nia salienta, iha prizaun ne'e mós transforma ba mentalidade foun.

"Ita-nia maluk ida-ne'ebé atu fila-fali ba nia fatin no nia família prosesu reinskrisaun ne'e iha ha'u-nia intervensaun hateten katak, prosesu ne'e prosesu naruk ida atu to'o ba iha liberdade totál ka liberdade kondisionál ne'ebe tribunál hasai liuhusi prosesu ida naran prosesu reinskrisaun sosiál," dehan nia.

Nia hatutan, prosesu reinkrisaun sosiál ne'e husi justisa ninian, atu haree kondisaun sira-nia familia, kondisaun vítima.

Nune'e mós muda dadur sira-nia mentalidade, estadu psikolójia atu nune'e sira bele re integra fila-fali ba iha komuidade. (*)