Durante plenaria iha Parlamentu Nasionál Ministru Francisco Jerónimo simu rekomendasaun husi Komisaun D trata asuntu dezenvolvimentu no ekonomia, kona-ba governu atu tau osan ba BNCTL hodi kapitaliza ekonomia iha rai laran.
Ministru ne'e afirma, kona-ba orsamentu ba BNCTL ne'e, iha orsamentu jeral estadu 2020 no 2021 mos governu tau hotu.
Nia haklaken, razaun governu hodi prevee osan ne'e tanba hakarak BNCTL hamoris no asegura atividade ekonomia iha rai laran sai di'ak liután.
''Primeiru atu fó informasaun de'it katak, rekomendasaun ne'ebé mak mai husi komisaum D, kona-ba BNCTL, atu tau osan tan atu nune'e bele kapitaliza ba iha ne'ebá, ha'u hanoin orsamentu 2020 mós tau kapitál, nomoos orsamentu 2021 mós aprova orsamentu ne'ebé mós tau iha kapitál BNCTL nian, atu nia bele halo atividade ekonomia sai di'ak liután,'' dehan nia iha plenária parlamentu nasional segunda (18/1).(*)