Login to your account

Username *
Password *
Remember Me

Governu Hahú Pagamentu ba Komunidade Afeitadu Reabilita Estrada Laga-Baguia

Komunidade afeitadu sira simu hela indiminizasaun husi Governu, tersa (28/02). Komunidade afeitadu sira simu hela indiminizasaun husi Governu, tersa (28/02). Foto Tomas Freitas

Tempotimor (Baukau)-Governu liuhusi Banku Nasionál Komérsiu Timor-Leste (BNCTL-sigla portugés) hahú ona pagamentu ba komunidade afeitadu, ba projeitu reabilitasaun estrada ligasaun, Postu Administrativu Laga-Baguia, purvolta kilometru-38.

Admininistradór Postu Laga, Domingós Loiola José Pereira, esplika, Governu liuhusi BNCTL, hahú atribui indiminizasaun ba komunidade afeitadu projeitu reabilitasaun estrada diresaun Laga-Baguia, ne'ebé hahú ona husi Postu Laga, ba benefisiáriu hamutuk 278, kompostu husi Suku 6, hanesan, Suku Soba benefisiáriu na'in-12, Libagua 25, Nunira 63, Samalari 67, Sagadate 42 inklui Suku Atelari 70.

"Ohin ita nia Governu halo ona pagamentu ba komunidade afeitadu uma a-horis sira ba estrada ligasaun Laga-Baguia", dehan nia iha kna'ar fatin, Laga, tersa (28/02).

Husi indiminizasaun ne’e la'os atu selu komunidade nia plantasaun no uma, maibé objetivu atu rekupera.

Nune'e garante sei laiha impedementu ba projeitu, tanba antes ne'e Governu liuhusi ekipa Minitériu Obras Públikas servisu hamutuk ho Autoridade Postu no Suku, halo ona deklarasaun ho komunidade katak, indiminizasaun montante ki'ik ga boot, dezenvolvimentu mak importante.

"Sira ne'e afeitadu ba uma no ai-horis hotu, ne'ebé uluk rejistu ona, sira aseita ona laiha impedementu, i pagamentu ne'e ita nia komunidade sira kontente", nia akresenta

Husu komunidade iha Postu Laga, nafatin koopera ho empreza sira ba dezenvolvimentu ne'ebé Governu implementa ona, tanba uluk luta ba ukun aan la'os ho ai-hun ida nia folin, maibé ema rihun ba rihun ho nia vida sosa ukun aan, nue'e tempu ona atu harii dezenvovlimentu.

Komunidade afeitadu husi Suku Sagadate, Aureliano de Jesus, promente, sei la halo impedementu ba projeitu reabilitasaun estrada Laga-Baguia, maske indiminizasaun ne'ebé Governu atribui la-sufisiente atu hari'i fali uma, maibé nu’udar sidadaun tenke koopera, tanba dezenvovlimentu mak importante.

"Parte husi ha'u kona uma medida 10X10, seluruh tembok, nia osan ba indiminizasaun rihun US$21, tuir loloos ha'u rugi, tanba materiál karun, no tula husi dook, maibé tenke koopera, tanba ita dehan estrada ladi'ak, bee, eletrisidade laiha, agora mai ita impede ladi'ak", nia argumenta

Enkuantu komunidade afeitadu ba projeitu reabilitasaun estrada Laga-Baguia hamutuk 450, ne'ebé kompostu husi Suku 10, hanesan, Suku Soba benefisiariu 12, Libagua 25, Nunira 63, Samalari 67, Sagadate 42 Atrlari 70, Lavateri 50, Samalari Baguia 70, Alaua Leten 25 inkkui Alaua Kraik 27, no orsamentu indiminizasaun ba komunidade afeiadu hamutuk US$677.968,80.

Alende mós komunidade afeitadu ba projeitu reabilitasaun estrada Kelikai-Ossu hamutuk 381, ne'ebé kompostu husi Suku 15, hanesan Suku Abafala benefisiariu 17, Uaitame 2, Baguia 73, Letemumo 65, Bualale 43, Lakoliu 27, Makalaku 1, Lelalai 6, Laisorulai de Sima 59, Laisorulai de Baixo 13, Abo 21, Maluro 36, Nahareka 16, Uaibobo 1 inklui Tirilolo 1 ho orsamentu indiminizasaun $488.401,65.

Tuir orariu aban loron 01 fulan-marsu, BNCLT kontinua halo pagamentu ba komunidade afeitadu sira iha Postu Baguia, loron 03 fulan-marsu bainrua, remata iha Postu Kelikai no Ossu, tanba kompaña ba reabilita estrada ligasaun Laga-Baguia no Kelikai-Ossu dadaun iha ona tereñu halo limpeza.

Entretantu estrada diresaun Laga-Baguia purvolta kilometru-38 ho luan metru-6 ne'ebé sei responsavél husi kompaña Norinco internasionál cooporation ho tipu reabilitasaun ho totál orsamentu millaun US$21.7.

Estrada Postu Kelikai ba Suku Nahareka, Postu Adminidtrativu Ossu Munisípiu Vikeke, ho distánsia kilometru-22.7 no nia luan metru-7 kompostu husi aspal metru-4, alargamentu metru-1 no drainajen metru-2, moru protesaun, sinais tráfiku no kuda ai-oan ba fatin ne'ebé risku ba dezastre natural sira.

Durasaun ba reabilitasaun estrada refere fulan-18 ne'ebé responsavél husi kompaña Chongqing Internasionál Construction no supervizaun husi kompaña PY konsep perunding Sdn Bhd husi Malaysia ho totál orsamentu US$452.122.00.

Diresaun Nasionál Estrada, Pontes no Kontrolu Cheias Ministériu Obras Públiku (MOP) aloka orsamentu husi fundus infraestrutura tinan fiskal 2022 hamutuk US$16.547.661,76. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter