CNRT Kestiona Legalidade OJE 2021, Tribunal Rekursu Notifika PN

Sekretaria meza Parlamentu Nasional, deputada Lidia Norberta (Klaran) ko'alia hela ba media sira liu-husi konferensia imprensa iha sala lider bankada Parlamentu Nasional, kinta (14/01). Sekretaria meza Parlamentu Nasional, deputada Lidia Norberta (Klaran) ko'alia hela ba media sira liu-husi konferensia imprensa iha sala lider bankada Parlamentu Nasional, kinta (14/01). Foto Tempo Timor

Tempotimor (Dili)- Bankada Congresso Nacional de Reconstrução de Timorense (CNRT), hato'o pedidu ida ba Tribunal Rekursu atu haree legalidade Orsamentu Jeral Estadu (OJE) tinan 2021, tanba artigu balun inkonstitusional, ho nune'e meza Parlamentu Nasional simu ona notifikasaun husi Tribunal Rekursu atu responde durante loron 30 nia laran.

Sekretária Meza Parlamentu Nasional, Deputada Lídia Norberta dos Santos afirma, pedidu notifikasaun ne'e Prezidente Parlamentu Nasional simu ona iha loron 12 fulan-janeiru tinan 2021.

“Atu hatete de'it ba ita boot sira katak, iha dia 12 de janeiru loron rua liu-ba maizumenus tuku 3 lokraik Prezidente Parlamentu Nasional hetan notifikasaun husi Tribunal Rekursu ba fiskalizasaun konstitusionalidade kona-ba artigu balun iha lei Orsamentu Jeral Estadu 2021, ne’ebé pedidu ne'e mai husi deputadu bankada CNRT", Portavós Parlamentu Nasionál ne’e informa liuhosi konferénsia imprensa, iha Parlamentu Nasional, kinta (14/01).

Nia haktuir, iha pedidu notifikasaun ne'e pontu im0portante ida mak husu Prezidente Parlamentu Nasional atu responde dentru loron 30 nia laran tuir lei haruka.

"Prezidente Parlamentu realsa katak, nu'udár opozisaun deputadu CNRT sira iha direitu atu halo pedidu ba tribunál rekursu, maibé tenke kontribui ba intrese estadu,” nia haktuir.
Deputada Lídia labele esplika klaru konteúdu notifikasaun ne'e, tanba prosesu la'o hela segredu justisa nian.

“Haree ba sizilu (segredu) prosesu de justisa, ami sei la fó-sai buat ne’ebé mak agora daudaun iha hela prosesu, entaun iha nia tempu sertu ita boot sira bele asesu ba informasaun ida ne'e, maibé agora daudaun iha hela faze ida ne’ebé mak meza Parlamentu kumpri hela ninia devér ida tribunal husu mai ne'e,” Deputada Lídia fundamenta.

Nia akresenta, pedidu notifikasaun ne'e ba órgaun Parlamentu Nasionál, la'ós ba pesoál Prezidente Parlamentu Nasional Aniceto Guteres, tanba pedidu ne'e prinsipal mak kestiona kona-ba artigu balun iha lei OJE tinan 2021 nian ne’ebé foin lalais aprova.

Nia mos dehan, kuandu pedidu notifikasaun mai husi Tribunal Rekursu ho eskrita, Parlamentu Nasional mos sei resposta ho eskrita.

Iha mos resintu Parlamentu Nasionál, Vise-Xefe Bankada CNRT, Deputadu Patrocínio dos Reis Fernandes, relata bankada governu iha komisaun A ho C mak hatete, Orsamentu Jeral Estadu (OJE) tinan 2021 ne'e inkonstitusionalidade.

"Entaun, se bankada governu sira hatete ona orsamentu ne'e inkonstitusionál mak ami ba hatutan de'it hato'o ba iha tribunál, hatete katak tribunal favór ida haree hela bankada governu sira mak hatete iha sira-nia relatóriu no paresér komisaun nian, hatete katak Orsamentu Jeral Estadu 2021 ne'e inkonstitusionál, ida-ne'e mak ami hodi ba hato'o”, nia dehan.

Nia afirma, bankada CNRT kestiona artigu lubuk ida iha lei Orsamentu Jeral Estadu (OJE) tinan 2021 nian.

"Ami la halo buat foun ida, ami hanesan ajuda de'it komisaun, komu komisaun A ne'e meza prezidi husi bankada governu nian, komisaun C mos hanesan prezidi husi ne'eba, komu sira ne'e bankada governu nian mesmu sira hatene dehan buat ne'e inkonstitusional, sira labele lori ba tribunal, ne'e mak ami ajuda de'it sira lori ba, tanba pronunsiamentu kona-ba inkonstitusionalidade orsamentu ne'e mai husi bankada governu sira,” hateten Vise-Xefe Bankada CNRT ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks