Taur hateten, orsamentu jerál estadu 2021 labele halo lansamentu tanba osan sei iha hela.

"Tanba ne'e lalika fiar katak osan laiha, osan la mai, Amerika la fó, ne'e laloos", Xefe Estadu ne'e akresenta.

Xefe Governu informa, bainhira presiza, Ministériu Finansa sei kiordena banku sentral para bele halo levantamentu ba osan para finánsia orsamentu bazeia ba programa iha tinan fiskál 2021.

"Daudaun ne'e iha hela osan millaun $300 ital tanba ne'e levantamentu ita seidauk halo", dehan Xefe Governu.

Xefe Governu haktuir, kuandu halo dezenvolvimentu primeiru tenke hatene halo saida, segundu tau osan no terseiru implementa ne'ebé orsamentu 2021 nian ne'e.

"Kuandu komesa halo ita boot sira sei hatene, diskusaun ne'e sei halo iha Palásiu Governu, konserteze ministériu ida hatene, públiku sira la hatene bele husu iha ministériu sira", Taur informa.

"Orsamentu kuandu laiha ita labele halo, só halo buat ne'ebé planeadu, orsamentu tau ba buat ne'ebé iha planeadu.

Orsamentu 2021 nian ita foin iha janeiru, ne'e mak Ministériu Finansa komesa deskute ona ho tékniku ba nia implementasaun tanba ne'e mak osan ba 2021 nian iha", Taur akresenta. (*)