Ministru José Agostinho akresenta daudaun ne'e movimentu transporte marítima entre Dili ba Oecuse nafatin la'o tuir oráriu, la autoriza transporta pasajeiru maibé atu garante de'it sasán nesesidade bázika no kombustível iha Oecusse.
Enkuantu movimentu entre Dili - Atauro mak bele transporta pasajeiru inklui nesesidade bázika maibé presijza kumpri regra implementasaun EE nian, hanesan uza maskára, distansiamentu sosiál durante halo viajen.
"Atauro la tama iha ita- nia regra ne'ebé foin sai ba pasajeiru, exeptu ba Oecuse," dehan José iha Palásiu governu Dili, Kuarta (13/01).
José esplika diferénsa entre Oecuse no Atauro ne'e nia parte halo bazeia ba desizaun regra EE liu husi dekretu governu númeru 21/2020 ne'ebé foin lalais aprova liuhusi konsellu ministru.(*)