Login to your account

Username *
Password *
Remember Me

MOP Prevé millaun $105 ba Reabilitasaun Estrada Nasionál no Rurál

Tempotimor (Baukau)-Ministériu Obras Públika (MOP) prevé ona millaun $105 ba estrada hamutuk rihun 6 ne’ebé iha ona planu atu hadi’a, tuir Orsamentu Jerál Estadu (OJE) tinan fiskál 2021.

Ministru Salvadór Pires hateten, estrada nasionál ligasaun Baukau no Lautem, Baukau no Vikeke persentajen komesa sa’e ona.

“Estrada iha teritóriu Timor-Leste tomak hamutuk rihun 6 resin, ne’ebé estrada nasionál ligasaun Baukau Lautem ne’e atinje ona 79%. Estrada ligasaun Baukau Vikeke atinje ona 17%,” Ministru hateten iha Baukau, Kinta (17/12).

Nia akresenta, estrada ba postu administrativu sira ne’ebé pertense ba munsípiu Baukau kuaze lubuk ida mak tama ona iha planu.

“Estrada ligasaun Laga-Baguia, ponte Samalari, Laisorulai, Waikala tama ona iha planu, ne’ebé ita bele implenta tanba ita-nia estudu ne’e sei finaliza iha inísiu 2021,” nia dehan.

Ministru ne’e mós salienta, daudaun ne’e governu liuhusi MOP tau ona osan ba estrada hotu hamutuk millaun $105.

“Osan montante tomak ba estrada hotu ne’e millaun $105 ba fundu infraestrutura ba estrada, ne’e la’ós estrada munisipal de’it maibé projetu ongoing, estrada urbanu no seluk tan ne’ebé sei halo,” nia hateten.

Governante ne’e akresenta, estrada rurais ne’e halo reabilitasaun periódika, hanesan ligasaun Venilale no Waioli mós tama hotu ona iha planu, ne’ebé total kilometru 150 iha munisípiu Baukau.

Nia mós apela ba públiku katak, estrada ruál ne’ebé daudaun halo reabilitasaun ne’e projetu la’ós ILO nian, maibé ne’e governu Timor-Leste mak tau osan atu halo reabilitasaun. Ne’ebé ILO ne’e hetan fali servisu husi parseiru dezenvolvimentu TL nian hanesan Australia atu halo kapasitasaun ba traballdór no ministériu rasik.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter